CURTAS D-MEDO

CONCURSO CURTAS DE MEDO
Invitámoste a participar no concurso de curtametraxes Curtas D-Medo 2026!
Este ano hai cambios nas bases, aquí tes un resumo rápido:
 
 Quen pode participar?
Individual ou en grupo (con autorizacións no caso de menores).
3 categorías:
-Trasnos (IES de Barro): alumnado de 1º a 4º da ESO.
-Tardos (afeccionados): maiores de 14 anos sen traxectoria profesional.
-Xacias (semiprofesional): maiores de 14 con experiencia audiovisual.
-Todas as curtas participan no Premio do Público (Santa Compaña).
 
Inscricións
A na OMIX de Barro ou en 📧 omix@barro.es
–Prazo: ata 23 de outubro de 2026
–Como debe ser a curta?
Máximo 3 minutos (sen créditos).
En galego (audio e texto).
Podes gravar con móbil ou calquera dispositivo.
Permítese o uso puntual de IA para efectos visuais.
Ten que ser orixinal.
 Importante
Respectar dereitos de imaxe e autoría.
Non se admiten contidos ofensivos ou ilegais.
 
 Premios
 -Xaizas (semiprofesional):
1º premio: 200 €
2º premio: 100 €
 -Tardos (afeccionados):
1º premio: 100 €
2º premio: 50 €
– Trasnos (IES): Premio: 60 €
 -Santa Compaña: Premio do público: 40 €
 
ESTREA: 31 de outubro no Pazo da Crega, coa proxección das curtas e entrega de premios.
 
Segunda actividade de Dándolle á lingua, actividade financiada pola Deputación de Pontevedra e o Concello de Barro.

Laboratorio de Teatro

A tréveste a subir ao escenario?

Se che gusta o teatro, queres probar algo novo ou simplemente buscas unha experiencia diferente… este Laboratorio de Teatro é para ti

–  Dirixido á mocidade (a partir da ESO) e persoas adultas

Que imos facer?
Durante 11 sesións prácticas (unha vez á semana, os martes), traballaremos:
-Expresión corporal e voz
– Improvisación e interpretación
– Creación colectiva dunha peza teatral

 E o mellor… todo o aprendido levarémolo ao escenario con 2 funcións finais:
📍 18 de decembro (pola mañá) – no IES
📍 21 de decembro ás 20:00 h – 

– Datas: do 6 de outubro ao 15 de decembro de 2026
– Sesións de 90 minutos, unha vez á semana

 Unha oportunidade única para aprender, compartir e crear en galego. Non importa se tes experiencia ou non… só fan falta ganas.

Segunda actividade de Dándolle á lingua proxecto subvencionado pola Deputación de Pontevedra con achega municipal.

Távole. Circo Chosco

O sábado 26 de setembro despedimos o verán cun espectáculo de equilibrios, aéreos, clown, interpretación, creación.. a cargo de Circo Chosco.

No Pazo da Crega ás 12:00 da mañá e ata completar aforo poderedes desfrutar dun espectáculo impresionante.

Levantarse có pé esquerdo, significa que todo vai ir mellor… claro que peor é imposible. Tavole é un espectáculo que xira en torno a 2 personaxes, un ritmo vertixinoso e un montón de mesas, que os levará a situacións tan cotiás como surrealistas onde aparece a acrobacia, as técnicas aéreas, a maxia e o humor. Moitas situacións cotiás da vida acontecen arredor dunha mesa, pero a velocidade do día a día, o ritmo de vida, o estrés, que non te deixa sentarse a unha mesa a pensar e reflexionar, é ahí cando as cousas máis sinxelas da vida pódense complicar, cousas como sair de casa sen roupa, ou que as mesas se revelen! Unha loca e divertida aventura para todos os públicos na que o circo aparece de forma disparatada, a acrobacia, o risco e a sorpresa están presentes, e onde o público será partícipe do xogo para que todo saia ben.Un show cercano, interactivo para o público e divertido no que xogarse a vida é a única opción.

+Escénicas Deputación de Pontevedra.

O libro dos sortilexios

A Biblioteca de Barro acollerá o vindeiro venres 25 de setembro ás 12:00 unha nova sesión de “Ler conta moito”, dirixida ao alumnado do IES.
Nesta ocasión, acompañaremos a Henriko nunha aventura fascinante: atopa un misterioso libro de sortilexios na vella libraría familiar… e, a partir de aí, comeza unha experiencia chea de sorpresas, con incríbles trucos de maxia e mesmo… malabares con coitelos! 🔮✨🔪
Ademais, con esta actividade despediremos o verán e daremos a benvida ao novo horario de atención ao público da biblioteca:
🕘 Luns, mércores e venres: 8:30 – 15:00
🕘 Martes e xoves: 15:30 – 21:00

Actividade financiada a través do programa #lercontamoito para a Rede de Bibliotecas Públicas de Galicia (Xunta) e o Concello de Barro.

CURSO DE INTRODUCIÓN Á LINGUA E Á CULTURA GALEGAS

FORMACIÓN
CURSO DE INTRODUCIÓN Á LINGUA E A CULTURA GALEGAS.

📢 Cursos de introdución á lingua e á cultura galegas 2026
Queres aprender galego desde cero e achegarte á nosa cultura? Esta é a túa oportunidade!
A Consellería de Cultura, Lingua e Xuventude, a través da Secretaría Xeral da Lingua e en colaboración co Concello de Barro, pertencente a da Rede de Dinamización Lingüística, organiza un curso presencial de introdución á lingua e á cultura galegas dirixidos a persoas adultas sen coñecementos previos.

🗓️ Duración: 20 horas
– Datas: 14,15,16,17,21,22,23 e 24 de SETEMBRO
– Horario: 19:00h á 21:30h.
– Lugar: Biblioteca de Barro.
👥 Grupos: entre 10 e 20 persoas
📍 Inscripción ata o 10 de setembro, na OMIX/Biblioteca de Barro.
🎓 Certificado oficial ao rematar o curso

💬 Que aprenderás?
✔️ Nocións básicas de galego (pronuncia, vocabulario e gramática)
✔️ Expresión oral e escrita para o día a día
✔️ Comprensión de conversas e textos sinxelos
✔️ Cultura e historia de Galicia (tradicións, gastronomía, música…)

🌍 Para quen?
Para persoas maiores de 16 anos que desexen iniciarse no galego.
Máis información: 690722812/986714806

DÍA DO LIBRO 2026. BIBLIOTECA DE BARRO.

 A banda deseñada toma a Biblioteca de Barro! 


Na biblioteca de Barro, a lectura e a cultura medran tamén ao ritmo da banda deseñada, que nos aprende a mirar o mundo doutro xeito.
Neste curso académico, o proxecto lector do CEIP Amor Ruibal está centrado na banda deseñada, un xénero que combina linguaxe visual e textual e que resulta especialmente motivador. Así mesmo, no IES de Barro existe un club de lectura de cómics, o que evidencia o interese crecente deste formato entre a mocidade.
Para acompañar estas iniciativas, cómpre lembrar que a nosa biblioteca conta xa cunha sección específica de banda deseñada, que se verá reforzada cunha mostra de exemplares representativos do fondo bibliográfico existente.
Ademais, este ano realizouse a adquisición dun novo lote de cómics, co obxectivo de ampliar e actualizar a colección e seguir enriquecendo os recursos dispoñibles para a veciñanza.


Co fin de dar resposta a estas propostas, celebrar o Día do libro e fomentar a coordinación entre etapas educativas e a biblioteca pública, o Concello de Barro organiza unha exposición temática no salón de actos da biblioteca, coincidindo coa celebración do Día do Libro.
-A exposición permanecerá aberta ata o 20 de maio.
-As visitas do alumnado do CEIP e do IES desenvolveranse ao longo de tres semanas, a partir do día 20 de abril.
-Como actividade destacada, contaremos cunha visita guiada con Kiko da Silva o día 24, que achegará ao alumnado ao proceso creativo da banda deseñada.
Unha oportunidade para achegarse ao mundo da Banda Deseñada, descubrir novos títulos e seguir medrando como lectores e lectoras.

CONVOCATORIA EXPOSICIÓN COLECTIVA 2026: Xuventude Ilustrada

O Concello de Barro convoca a exposición colectiva Xuventude Ilustrada, unha iniciativa pensada para dar visibilidade aos artistas emerxentes do noso municipio.
Queremos fomentar a creación e ofrecer un espazo de difusión e encontro para a mocidade creadora.
DESTINATARIOS
Mocidade empadroada no Concello de Barro.
DISCIPLINAS:
Pintura, debuxo, ilustración, fotografía, escultura, e máis técnicas artísticas.
PRESENTACIÓN DE PROPOSTAS
Cada participante poderá presentar ata 5 obras, sempre que se adapten ao espazo dispoñible.
PRAZOS
–Data límite para enviar propostas: 30 de xaneiro de 2026 (Día da Ilustración)
–Inauguración da exposición: martes 3 de febreiro de 2026
Máis información na OMIX de Barro.
Telf 986714806- 690722812 omix@barro.es

Chafallas a vendedora de fume.

CHAFALLAS, a vendedora de fume, é unha viaxe poética e chea de maxia polo imaxinario popular, protagonizada por unha muller nómade que percorre os camiños contando historias para gañar a vida. Coa súa casiña ás costas e palabras enroscadas coma un caracol, Chafallas mestura narración, música e humor para dar forma a un espectáculo tenro e divertido, inspirado nos contos e cantigas tradicionais do rural galego e portugués. Entre embustes, romances, títeres e melodías que acompañan as noites sen teito ata a chegada da alborada, a función convida ao público de todas as idades a deixarse levar pola fantasía, a memoria colectiva e o pracer de escoitar historias contadas con verdade e corazón.

30 de decembro de 2025, no Pazo da Crega.

Entrada libre ata completar aforo.

Actividade subvencionada pola Deputación de Pontevedra + Escénicas.

Dándolle á lingua 2025. Falamos cos creadores de contido Prado Rúa e Olaxonmario.

A mocidade de hoxe vive nun mundo dixital, onde as redes sociais son unha parte esencial da súa comunicación e expresión. A lingua que se emprega nestes espazos non só reflicte a identidade persoal, senón que tamén condiciona o seu valor e presenza na sociedade. Por iso, fomentar o uso do galego entre a xuventude é fundamental para garantir que a nosa lingua se manteña viva e relevante en todos os ámbitos.

O Concello de Barro dentro do proxecto Dándolle á lingua, organiza dúas charlas no IES de Barro con Prado Rúa e Olaxonmario, dous referentes xuvenís que demostraron que se pode ter éxito en Internet sen renunciar ao galego. A súa experiencia servirá de inspiración para que o alumnado se sinta máis seguro empregando o galego, tanto nas redes como na vida cotiá, e para que perciban a lingua como unha ferramenta valiosa, moderna e con futuro.

CONCURSO CURTAS D-MEDO 2025.

 Aberta a convocatoria para o Concurso Curtas D-MEDO 

Un ano máis celebramos D-MEDO, un certame de curtametraxes consolidado ao longo dos anos como punto de encontro para novos talentos audiovisuais e para creadores/as xa en activo, tanto da contorna local como doutros lugares.

O prazo para a presentación de obras está aberto ata o 24 de outubro.

Esta é a túa oportunidade para dar visibilidade ao teu traballo nun concurso que aposta pola creatividade, a orixinalidade e o cinema feito con paixón.

 Consulta as bases e información de participación no taboleiro de anuncios da Sede electrónica do Concello e Barro: https://barro.sedelectronica.gal/info.0 , na OMIX de Barro ou na web barro.gal