CONCURSO CURTAS D-MEDO 2025

CONCURSO CURTAS D-MEDO 2025.

🎬 Aberta a convocatoria para o Concurso Curtas D-MEDO 🎬

Un ano máis celebramos D-MEDO, un certame de curtametraxes consolidado ao longo dos anos como punto de encontro para novos talentos audiovisuais e para creadores/as xa en activo, tanto da contorna local como doutros lugares.

📝 O prazo para a presentación de obras está aberto ata o 24 de outubro.

Esta é a túa oportunidade para dar visibilidade ao teu traballo nun concurso que aposta pola creatividade, a orixinalidade e o cinema feito con paixón.

📍 Consulta as bases e información de participación no taboleiro de anuncios da Sede electrónica do Concello e Barro: https://barro.sedelectronica.gal/info.0 , na OMIX de Barro ou na web barro.gal

DÁNDOLLE Á LINGUA. LABORATORIO DE TEATRO

🎉Continuamos coas actividades de dinamización lingüística programadas dende fai oito anos polo Concello de Barro, coa colaboración da Deputación Provincial de Pontevedra.

Esta é a segunda actividade de 👅“Dándolle á lingua”.

O “Laboratorio de teatro” é unha experiencia única de creación e de convivencia colectiva, na que experimentar técnicas de improvisación, desenvolver a espontaneidade e mostrar cara o público o aprendido.

📌Día: unha vez á semana (os martes)
📌Data: Comezamos o MARTES 23 DE SETEMBRO ata o MARTES 18 DE NOVEMBRO de 2025 COA POSTA EN ESCENA DA OBRA O VENRES 21 DE NOVEMBRO.
📌Horario: 19:30h a 21:00

➕ℹ️ Na OMIX de Barro.
☎️Telefono: 986714806 – 690722812

CHARO PITA NA BIBLIOTECA DE BARRO!

 SÁBADO DÍA 9 de agosto teremos o pracer de acoller á contacontos Charo Pita na nosa biblioteca. Unha actividade pensada para toda a familia, chea de imaxinación, historias e moita maxia!

🕒 Día: 9 de agosto ás 12:00

📍 Lugar: Biblioteca de Barro

🎟️ Prégase inscrición previa (as prazas son limitadas) 690722812.

Non perdas esta oportunidade de vivir unha mañá inesquecible coa mestra das historias! 🌟

👩‍🦳 As calidades máxicas do corpo están presentes en multitude de historias procedentes de todas as partes do mundo. Neste espectáculo narraremos contos onde as personaxes protagonistas serán diferentes e marabillosas: haberá quen posúa a mirada aguda da aguia,pero tamén quen non poida ver, haberanas moi altas ou moi baixas…, pero, sexan como sexan, sempre acabarán atopando o seu lugar no mundo.

🧐Entrada gratuíta.

Inscrición na OMIX/Biblioteca, no email omix@barro.es, podes solicitar o formulario para a inscripción.

Actividade financiada a través do programa #lercontamoito para a Rede de Bibliotecas Públicas de Galicia (Xunta) e o Concello de Barro.

NOVAS DATAS PARA A SEGUNDA QUENDA DO CAMPAMENTO DIXITAL

A segunda quenda do Campamento Dixital muda as súas datas: inicialmente prevista do 18 ao 29 de agosto, pasa a celebrarse do 25 de agosto ao 5 de setembro.

 Hai 4 prazas dispoñibles, así que se tes entre 9 e 13 anos e che gusta a tecnoloxía, a creatividade e pasalo ben… ¡este é o teu campamento!

🕙 O horario é de 10:00 a 13:00.

📍Non perdas esta oportunidade! Pásao en grande aprendendo no noso campamento dixital!💬 Para máis info ou inscricións, contacta connosco no 690722812 ou pásate pola OMIX/Biblioteca de Barro de luns a venres de 9:00 a 14:00.

A aprendizaxe está exposta como un xogo a través dunha aventura interactiva, na que deberán completar etapas e cumprir misións para conseguir logros.

Campamento Dixital é unha iniciativa impulsada por Fundación Cibervoluntarios, dentro do Programa de Competencias Dixitais para a Infancia, CODI, posto en marcha polo Ministerio de Mocidade e Infancia, financiado por Fondos Next Generation da Unión Europea

11 DE FEBREIRO. Dia da muller e a nena na ciencia.

DÍA INTERNACIONAL DA MULLER E A NENA NA CIENCIA.

GALERÍA DE MULLERES NA CIENCIA.

Marta Cousido Rocha, nacida en Barro no ano 1992, incorporarase á #GaleríaDeMulleresNaCiencia de Barro.
No Día Internacional da Muller na Ciencia, destacamos a figura da nosa veciña Marta Cousido Rocha, pola súa valiosa contribución á análise dos ecosistemas mariños a través de modelos matemáticos, Marta merece un lugar na #GaleríaDeMulleresNaCiencia do noso concello. O seu traballo representa unha inspiración para as futuras xeracións, demostrando que a matemática e a estatística poden desempeñar un papel crucial na conservación do medio ambiente.
A súa historia é un testemuño de perseveranza e descubrimento, e recórdanos que os camiños cara á vocación poden ser inesperados pero sumamente gratificantes. Hoxe, Marta é un referente para as novas xeracións de matemáticas e estatísticas, animándoas a explorar a investigación aplicada en campos como a oceanografía. O seu traballo demostra que a ciencia dos datos é unha ferramenta clave para a sustentabilidade do planeta e a xestión responsable dos nosos recursos naturais.
Desexamos que o seu exemplo inspire a outras mozas do noso municipio para perseguir os seus soños no mundo da ciencia.
Do mesmo xeito que en edicións anteriores, a artista de Barro, Aroa Outón, será a encargada de crear o retrato que se sumará a esta lista de mulleres dedicadas a diversos campos da ciencia.
Moitos parabéns , Marta! Estamos seguros de que o teu futuro será brillante e cheo de logros.

Barro contra a violencia de xénero. Concurso, crea o logo e o lema do 25N

A conmemoración do Día Internacional para a Eliminación da Violencia contra a Muller, o 25 de novembro, é unha oportunidade clave para sensibilizar e educar en valores de respecto, igualdade e xustiza desde os centros educativos. Promover a participación do alumnado nun concurso de creación do logotipo e o lema, permite implicalos activamente na reflexión sobre a violencia de xénero, brindándolles un espazo onde expresar o seu rexeitamento a esta problemática e o seu compromiso cun entorno seguro e libre de discriminación.

Este concurso non só fomenta a creatividade e a colaboración entre o alumnado, senón que tamén facilita a interiorización da mensaxe de sensibilización que pode calar fondamente no seu entorno escolar e social. A través desta actividade, pretendemos que as novas xeracións comprendan a importancia do seu papel na construción dunha sociedade igualitaria e libre de violencia, impulsando un cambio que debe nacer no seo de cada comunidade educativa.

Bases: 20241108_Publicación_Anuncio_BASES BARRO CONTRA A VIOLENCIA DE XENERO

DOCUMENTAL. “FONTÁN O PRIMEIRO ROSTRO DE GALICIA”

 O próximo 04/11/2024 , no IES de Barro, realizarase a proxección do documental “Fontán, o primeiro rostro de Galicia”.

Esta actividade está pensada para achegar á mocidade o fascinante traballo de Domingo Fontán, o autor da primeira Carta Xeométrica de Galicia. A través dunha linguaxe sinxela, o documental explica como, sen novas tecnoloxías, Fontán conseguiu determinar a orografía do noso territorio, facendo un percorrido pola nosa historia e xeografía.

Con entrevistas a especialistas e nocións básicas de matemáticas e xeografía, esta peza convértese nunha ferramenta didáctica ideal para o alumnado dos IES de Barro.

Presentado por Manuel Amigo (Topógrafo) e Manuel Fernández (Productor do documental).

Actividade promovida pola Deputación de Pontevedra.
Servizo de Patrimonio Documental e Bibliográfico.

#DomingoFontán #CartaXeométrica #IESdeBarro #ConcellodeBarro #OMIXBarro

Bases Contratación Persoal Técnico. Plan Integrado de Emprego Cuntis 2024/2025.

PUBLICACIÓN DE BASES.

Contratación laboral temporal, a través da modalidade contractual de “CONTRATO PARA A MELLORA DA OCUPABILIDADE E INSERCIÓN LABORAL NO MARCO DOS PROGRAMAS DE ACTIVACIÓN PARA O EMPREGO”

Dous técnicos/as medios, como titores/as de emprego, no ámbito de desenvolvemento das accións do Programa Integrado de Emprego do Concello de Cuntis 2024/25, que se levara a cabo conxuntamente polos concellos de Cuntis, Caldas de Reis, Portas, Barro, A Estrada e Moraña.

As solicitudes formalizaranse no modelo de instancia que figura como Anexo I das bases e deberán presentarse no Rexistro do Concello de Cuntis ou remitilas por calquera dos medios previstos no artigo 16 da Lei 39/2015, de 1 de outubro do procedemento Administrativo Común.
– O prazo de presentación de solicitudes será de CINCO (5) días hábiles contados dende o día seguinte á publicación do correspondente anuncio na prensa, que coicidirá coa data de publicación do anuncio na sede electrónica municipal – 16 DE OUTUBRO- (http://concellodecuntis.sedelectronica.gal/info.1) e no taboleiro de anuncios do Concello de Cuntis.

Bases: https://concellodecuntis.sedelectronica.gal/preview-document.1
Solicitude: https://concellodecuntis.sedelectronica.gal/preview-document.2

CONCURSO CURTAS D-MEDO 2024


Tes unha historia por contar? Unha visión que compartir?
Participa e crea unha curtametraxe, de 3 minutos en galego, que mostre a túa creatividade, paixón e perspectiva única.
Xa sexa drama, comedia, documental ou calquera xénero que elixas, este é o teu momento.
Este ano propoñemos que empreguedes nas vosas creacións, aos seres mitolóxicos galegos que sobreviviron no folclore e na tradición oral.
 
Que hai en xogo?
Ademais da oportunidade de mostrar o teu traballo a noite o 31 de outubro, teremos premios emocionantes para as curtas máis destacadas, así que a recompensa é doce!
📅ENTREGA DAS OBRAS
Prazo de presentación de solicitudes e curtas ata o 24/10/2024
PREMIOS
–Premios na categoría Xeral:
1º premio: 200 €
2º premio:100€
3º premio: 70€.
-Premio categoría D-Medo no IES:
Vale de gasto 60€
-Premio do público:
Vale de gasto 60€
PROXECCIÓN CURTAS
31/10/2024 a partir das 21:00h
Consulta as bases e descarga os formularios en https://barro.sedelectronica.gal/info.0 (busca no taboleiro o día 18 de setembro)
Información na OMIX de Barro.
Horario: luns, mércores evenres de 9:00 a 14:00 horas
Martes e xoves de 16:00 a 21:00 horas
☎️986714806 – 690722812.

CONTOS CON PAULA CARBALLEIRA

O sábado día 14 de setembro, temos unha cita especial, na Biblioteca de Barro, coa maxia dos contos!
 
A coñecida contista e escritora Paula Carballeira visitaranos para compartir connosco historias cheas de aventuras, irmás valentes e camiños únicos. 
 
Nos seus contos, como nas mellores aventuras, hai tres irmás: a maior, a do medio e a pequena, e o máis importante de todo… cada unha delas ten un nome propio, porque o nome é clave para que a historia quede na memoria.
Tamén hai camiños que levarán a cada irmá ao seu destino, porque non hai só unha forma de vivir a aventura! 🛤️🌲 E perigos… Pero que maior perigo que aquel que fai pequenos aos outros?
 
Ven e escolle o teu camiño nunha mañá de historias inesquecibles con Paula Carballeira!
📅 Data: 14/09/2024
🕒 Hora: 12:00
📍 Lugar: Biblioteca de Barro.
🚶‍♀️Idade recomendada: a partir de 4 anos
Ven só ou trae aos teus amigos.
📲 Máis información no 690722812. As prazas son limitadas, achégate á biblioteca a inscribirte!
Actividade financiada a través do programa #lercontamoito para a Rede de Bibliotecas Públicas de Galicia (Xunta) e o Concello de Barro.