DESPEDIDA DO VERÁN

O verán chega ao seu fin, pero despedímolo da mellor maneira: con cultura e diversión para todas as idades!
Anímate a participar nas tres actividades programadas:
🔎Xoves 24, pon a proba o teu enxeño coa escape room “Camiños da ciencia: A ameaza invisible” ás 18:30, no Salón de actos da biblioteca.
🔮Venres 25 goza da maxia e os equilibrismos co espectáculo “O libro dos sortilexios” ás 12:00 da mañá, no Salón de actos da biblioteca.
🎪Sábado déixate sorprender por “Távole” de Circo Chosco, ÁS 12:00, no Pazo da Crega, un espectáculo de acrobacias trepidante e impresionante.
Non perdas esta oportunidade!

Chafallas a vendedora de fume.

CHAFALLAS, a vendedora de fume, é unha viaxe poética e chea de maxia polo imaxinario popular, protagonizada por unha muller nómade que percorre os camiños contando historias para gañar a vida. Coa súa casiña ás costas e palabras enroscadas coma un caracol, Chafallas mestura narración, música e humor para dar forma a un espectáculo tenro e divertido, inspirado nos contos e cantigas tradicionais do rural galego e portugués. Entre embustes, romances, títeres e melodías que acompañan as noites sen teito ata a chegada da alborada, a función convida ao público de todas as idades a deixarse levar pola fantasía, a memoria colectiva e o pracer de escoitar historias contadas con verdade e corazón.

30 de decembro de 2025, no Pazo da Crega.

Entrada libre ata completar aforo.

Actividade subvencionada pola Deputación de Pontevedra + Escénicas.

CHAFALLAS, A VENDEDORA DE FUME

CHAFALLAS, a vendedora de fume, é unha viaxe poética e chea de maxia polo imaxinario popular, protagonizada por unha muller nómade que percorre os camiños contando historias para gañar a vida. Coa súa casiña ás costas e palabras enroscadas coma un caracol, Chafallas mestura narración, música e humor para dar forma a un espectáculo tenro e divertido, inspirado nos contos e cantigas tradicionais do rural galego e portugués. Entre embustes, romances, títeres e melodías que acompañan as noites sen teito ata a chegada da alborada, a función convida ao público de todas as idades a deixarse levar pola fantasía, a memoria colectiva e o pracer de escoitar historias contadas con verdade e corazón.

30 de decembro de 2025, no Pazo da Crega.

Entrada libre ata completar aforo.

Actividade subvencionada pola Deputación de Pontevedra + Escénicas.

MOLTO BARROCO

Molto Barroco é unha proposta escénica que reivindica, desde o teatro e o humor, as composicións musicais da época barroca. Da man de Píscore Teatro, o público poderá desfrutar dun espectáculo cheo de música en directo e comedia, no que o encargo do Rei ao Compositor da corte para crear unha peza orixinal, con motivo do baile de petición de man da súa prometida, dá lugar a divertidas situacións cómicas xunto aos seus tres músicos de cámara. Gags, rutinas musicais, bailes e mesmo xogos malabares conviven cunha comedia de enredo paralela, protagonizada polo Rei, a súa futura Raíña e o Compositor, coa irreverente complicidade dun Bufón, dando forma a unha función dinámica, divertida e pensada para todos os públicos.

No Pazo da Crega ás 20h

Entrada libre ata completar aforo.

Actividade subvencionada pola Deputación de Pontevedra +Escénicas.

ZAPATOS. TEATRO PARA BEBÉS DE 1 A 4 ANOS E FAMILIAS

O sábado 20 de setembro ás 12:00 horas, no Pazo da Crega, terá lugar o espectáculo “Zapatos”, unha proposta especialmente pensada para bebés de 1 a 4 anos e as súas familias.
A actividade, con entrada de balde ata completar aforo, busca ofrecer unha experiencia cultural adaptada ás primeiras idades, favorecendo o goce compartido do teatro e a creación de novos espazos de encontro arredor da cultura.