Barro contra a violencia de xénero. Concurso, crea o logo e o lema do 25N

A conmemoración do Día Internacional para a Eliminación da Violencia contra a Muller, o 25 de novembro, é unha oportunidade clave para sensibilizar e educar en valores de respecto, igualdade e xustiza desde os centros educativos. Promover a participación do alumnado nun concurso de creación do logotipo e o lema, permite implicalos activamente na reflexión sobre a violencia de xénero, brindándolles un espazo onde expresar o seu rexeitamento a esta problemática e o seu compromiso cun entorno seguro e libre de discriminación.

Este concurso non só fomenta a creatividade e a colaboración entre o alumnado, senón que tamén facilita a interiorización da mensaxe de sensibilización que pode calar fondamente no seu entorno escolar e social. A través desta actividade, pretendemos que as novas xeracións comprendan a importancia do seu papel na construción dunha sociedade igualitaria e libre de violencia, impulsando un cambio que debe nacer no seo de cada comunidade educativa.

Bases: 20241108_Publicación_Anuncio_BASES BARRO CONTRA A VIOLENCIA DE XENERO

DOCUMENTAL. “FONTÁN O PRIMEIRO ROSTRO DE GALICIA”

 O próximo 04/11/2024 , no IES de Barro, realizarase a proxección do documental “Fontán, o primeiro rostro de Galicia”.

Esta actividade está pensada para achegar á mocidade o fascinante traballo de Domingo Fontán, o autor da primeira Carta Xeométrica de Galicia. A través dunha linguaxe sinxela, o documental explica como, sen novas tecnoloxías, Fontán conseguiu determinar a orografía do noso territorio, facendo un percorrido pola nosa historia e xeografía.

Con entrevistas a especialistas e nocións básicas de matemáticas e xeografía, esta peza convértese nunha ferramenta didáctica ideal para o alumnado dos IES de Barro.

Presentado por Manuel Amigo (Topógrafo) e Manuel Fernández (Productor do documental).

Actividade promovida pola Deputación de Pontevedra.
Servizo de Patrimonio Documental e Bibliográfico.

#DomingoFontán #CartaXeométrica #IESdeBarro #ConcellodeBarro #OMIXBarro

Bases Contratación Persoal Técnico. Plan Integrado de Emprego Cuntis 2024/2025.

PUBLICACIÓN DE BASES.

Contratación laboral temporal, a través da modalidade contractual de “CONTRATO PARA A MELLORA DA OCUPABILIDADE E INSERCIÓN LABORAL NO MARCO DOS PROGRAMAS DE ACTIVACIÓN PARA O EMPREGO”

Dous técnicos/as medios, como titores/as de emprego, no ámbito de desenvolvemento das accións do Programa Integrado de Emprego do Concello de Cuntis 2024/25, que se levara a cabo conxuntamente polos concellos de Cuntis, Caldas de Reis, Portas, Barro, A Estrada e Moraña.

As solicitudes formalizaranse no modelo de instancia que figura como Anexo I das bases e deberán presentarse no Rexistro do Concello de Cuntis ou remitilas por calquera dos medios previstos no artigo 16 da Lei 39/2015, de 1 de outubro do procedemento Administrativo Común.
– O prazo de presentación de solicitudes será de CINCO (5) días hábiles contados dende o día seguinte á publicación do correspondente anuncio na prensa, que coicidirá coa data de publicación do anuncio na sede electrónica municipal – 16 DE OUTUBRO- (http://concellodecuntis.sedelectronica.gal/info.1) e no taboleiro de anuncios do Concello de Cuntis.

Bases: https://concellodecuntis.sedelectronica.gal/preview-document.1
Solicitude: https://concellodecuntis.sedelectronica.gal/preview-document.2

CONCURSO CURTAS D-MEDO 2024


Tes unha historia por contar? Unha visión que compartir?
Participa e crea unha curtametraxe, de 3 minutos en galego, que mostre a túa creatividade, paixón e perspectiva única.
Xa sexa drama, comedia, documental ou calquera xénero que elixas, este é o teu momento.
Este ano propoñemos que empreguedes nas vosas creacións, aos seres mitolóxicos galegos que sobreviviron no folclore e na tradición oral.
 
Que hai en xogo?
Ademais da oportunidade de mostrar o teu traballo a noite o 31 de outubro, teremos premios emocionantes para as curtas máis destacadas, así que a recompensa é doce!
📅ENTREGA DAS OBRAS
Prazo de presentación de solicitudes e curtas ata o 24/10/2024
PREMIOS
–Premios na categoría Xeral:
1º premio: 200 €
2º premio:100€
3º premio: 70€.
-Premio categoría D-Medo no IES:
Vale de gasto 60€
-Premio do público:
Vale de gasto 60€
PROXECCIÓN CURTAS
31/10/2024 a partir das 21:00h
Consulta as bases e descarga os formularios en https://barro.sedelectronica.gal/info.0 (busca no taboleiro o día 18 de setembro)
Información na OMIX de Barro.
Horario: luns, mércores evenres de 9:00 a 14:00 horas
Martes e xoves de 16:00 a 21:00 horas
☎️986714806 – 690722812.

CONTOS CON PAULA CARBALLEIRA

O sábado día 14 de setembro, temos unha cita especial, na Biblioteca de Barro, coa maxia dos contos!
 
A coñecida contista e escritora Paula Carballeira visitaranos para compartir connosco historias cheas de aventuras, irmás valentes e camiños únicos. 
 
Nos seus contos, como nas mellores aventuras, hai tres irmás: a maior, a do medio e a pequena, e o máis importante de todo… cada unha delas ten un nome propio, porque o nome é clave para que a historia quede na memoria.
Tamén hai camiños que levarán a cada irmá ao seu destino, porque non hai só unha forma de vivir a aventura! 🛤️🌲 E perigos… Pero que maior perigo que aquel que fai pequenos aos outros?
 
Ven e escolle o teu camiño nunha mañá de historias inesquecibles con Paula Carballeira!
📅 Data: 14/09/2024
🕒 Hora: 12:00
📍 Lugar: Biblioteca de Barro.
🚶‍♀️Idade recomendada: a partir de 4 anos
Ven só ou trae aos teus amigos.
📲 Máis información no 690722812. As prazas son limitadas, achégate á biblioteca a inscribirte!
Actividade financiada a través do programa #lercontamoito para a Rede de Bibliotecas Públicas de Galicia (Xunta) e o Concello de Barro.

 

A UTÓPICA RODANTE. “De Vilatriste a Vilalegre”

Este venres 6 de setembro ás 20:30, na Nave da Música, poderedes desfrutar dunha divertida peza de títeres a bordo da “Utópica Rodante”, un vehículo que transportará o teatro ata o Concello de Barro.
Trepas é o alcume dun xove habitante de Vilatriste enredado inesperadamente nunha singular aventura: salvar a vila das fauces dun malvado dirixente. Axudado por unha singular superheroína descobren a fórmula para vencer ao seu inimigo pero… funcionará?

Feira de Barro

Regresa a Feira de Barro o domingo 1 de setembro.

Temos o pracer de anunciar que o vindeiro 1 de setembro, volve a nosa Feira de Barro.

Como en anteriores ocasións, poderedes atopar produtos frescos de proximidade, artesanía de calidade, moda e moito máis. É unha excelente oportunidade para adquirir produtos únicos e gozar dun ambiente acolledor e familiar.

📅 Data: tódolos domingos  a partir das 16:00 horas.

Pincha para atopar a localización:📍 Lugar

A Concellería de Turismo, Festas e Feiras está preparando diferentes actividades lúdicas e sorteos para o disfrute de tódolos veciñ@s e visitantes.

Agardámosvos en Barro.

FESTA HOLI

Este domingo, rematamos as actividades de “Xoves ao Clareo” cunha Festa Holi con DJ, que non vos podedes perder! 🎨🌈
Vinde preparados para unha explosión de cores, música e bo ambiente, perfecta para despedir este ciclo de actividades.
Unha oportunidade única para compartir risas, baile e facer comunidade dunha forma divertida e chea de cor.
📅 Data: Este Domingo
🕒 Hora: 21:00
📍 Lugar: Pazo da Crega
🤿Non esquezades traer gafas de buceo e moitas ganas de pasalo ben!
Será unha tarde inesquecible. Contamos con vós para darlle o mellor fin de festa a “Xoves ao Clareo”. 🎶🎉
☎️Podedes reservar a vosa praza no 690722812 ou pasar pola OMIX de Barro.
Vémonos alí! 💥

CULTURA URBANA: obradoiros de Breakdance, Stencil e Rap.

O xoves 29 de agosto chega a CULTURA URBANA ao Concello de Barro, co programa #FalaRedes de Política Lingüística da Xunta de Galicia
Das 20:00 ás 23:00 teremos obradoiros de Breakdance, Stencil e Rap 💙💙
📅 Data: Xoves de 29 agosto
📍 Lugar: Pazo da Crega.
🎉 Dirixido a: Mozos e público en xeral
ACTIVIDADES:
💙Breakdance
🧡Stencil
💚Rap
📞 PODES RESERVAR A TÚA PRAZA no 690722812 (horario de 9:00 a 15:00)
Tamén podes inscribirte a partir das 20:00 no mesmo Pazo da Crega.
📍 Podedes vir sos ou en grupo.
Para máis información, segue as nosas redes sociais e mantente ao tanto de todas as novidades.
Organiza: Concello de Barro e OMIX Barro
¡Esperámoste! 🌞

ESPECTÁCULO TEATRAL POLO CORREO DO VENTO.

Co fin de divulgar a figura e obra de Luísa Villalta entre a infancia, mañá martes día 18 de xuño a Deputación de Pontevedra achega ao Concello de Barro unha actividade de contacontos que, de xeito ameno e participativo, fará que nenos e nenas do CEIP Amor Ruibal percorran a súa biografía baixo o título Tinta do mar: Pequena biografía de Luísa Villalta.
Nesta actividade, realizada por Polo Correo do Vento, alternarase a narración da vida da homenaxeada nas Letras Galegas coa creación dunha ilustración e a interpretación de distintas pezas musicais.
Rematarán cun pequeno coloquio adaptado á idade da rapazada participante e un obradoiro no que cada asistente realizará a súa propia caricatura da autora.