Na tarde de onte, o escritor Xosé Monteagudo visitou o Club de lectura da Biblioteca de Barro, un club de lectura que estivo traballando unha das súas obras.
Foi un pracer poder escoitar de primeira man como é o proceso de documentación e escrita, así como os distintos puntos de vista e insterpretación de cada lector/a.
Agradecemos moito a súa xeneroridade e o seu tempo dedicado ás veciñas e veciños de Barro que forman parte do Club de lectura “Un ollo de vidro”.
Hoxe, víspera do 25 de novembro, Día Internacional para a Eliminación da Violencia contra as Mulleres, o concello de a comunidade educativa realizaron un acto para reclamar o fin desta lacra.
Grazas ás direccións do IES de Barro e do CEIP Amor Ruibal pola súa colaboración e pola súa implicación na concienciación do alumnado deste problema social.
Neste orzamento municipal contémplase a conxelación de taxas e impostos por noveno ano consecutivo.
O Goberno municipal levou ao Pleno a súa proposta de orzamentos para o 2024, que ascenden a case 3.000.000 de eurostanto para gastos como para
ingresos, e aos que haberá que sumar, tan pronto se coñeza a cifra, a cantidade que lle corresponde ao concello dos fondos da Deputación de Pontevedra.
Neste orzamento contémplase, por noveno ano consecutivo, a conxelación de taxas e impostos, así como o incremento da partida destinada a gasto social, que ascenderá á máis de 735.000 euros.
Tamén se continuarán investindo 100.000 euros, ao igual que nos últimos anos, para axudar ás empresas asentadas no polígono de Outeda a aminorar o recibo do ciclo da auga, mentres non se completa o asentamento total de empresas, así como para facer fronte aos gastos de mantemento.
Referente ao polígono de Outeda, tamén se incrementa a partida dedicada á xestión do ciclo da auga, posto que a partir do vindeiro ano o concello asumirá a súa xestión total, xestión que ata o momento cooresponde á Deputación de Pontevedra.
As contas para o exercicio do ano 2024 foron aprobadas cos votos a favor dos grupos do BNG e do PSOE, e cos votos en contra dos grupos de Xuntos e PP.
As familias de Barro asistiron o luns 20 de novembro a un Obradoiro de “Prevención do abuso das TIC desde a famillia”, que organizou o Concello de Barro conxuntamente co CEIP Amor Ruibal.
Este obradoiro realízase dentro das actividades promovidas polo Proxecto de prevención das condutas aditivas no que participa o Concello de Barro como aposta pola promoción de hábitos saudables entre a súa veciñanza. Complementando con este Obradoiro destinado ás familias as actividades de promoción da saúde e prevención das condutas aditivas que se realizan cada curso escolar co alumando de Barro
Como cada ano, a Asociación Peñaflor realiza o seu xantar de confraternidade veciñal.
O prazo para anotarse remata o 1 de decembro no teléfono 678 197 148 (Flor)
Desde hoxe xa podes formalizar a túa inscrición na I BTT Camiños de Barro e consultar o regulamento na páxina da Federación Galega de Ciclismo 
https://fgalegaciclismo.es/index.php/smartweb/inscripciones/prueba/27775-CAMINOS-DE-BARRO
Descarga aquí o regulamento da I BTT Camiños de Barro:
O 17 de decembro terá lugar a I BTT Camiños de Barro, unha proba cicloturista organizada polo concello de Barro e o Club Ciclista Ribadumia, coa colaboración da Federación Galega de Ciclismo.
A ruta, que se desenvolverá integramente dentro do concello de Barro e que irá pasando por distintos lugares de interese paisaxísitco, natural e patrimonial, contará cun percorrido de 40 km e 1.200 metros de desnivel positivo acumulado na modalidade longa e con 30 km e 800 m de desnivel na modalidade curta.
A BTT contará cunha sorpresa na parte final do percorrido, pois dentro da proba haberá unha cronoescalada nun treito de 600 metros ao 16% no monte Acibal, nun duro e coñecido segmento denominado “O Inferno de Perdecanai”, onde os/as ciclistas máis rápidos/as e que cheguen con mellores pernas a este punto competirán por premios nas distintas categorías.
✍🏻 As inscricións realizaranse a través da Web da Federación Galega de Ciclismo e abriranse o luns 6 de novembro
