O alcalde, Fernández Abraldes, o concelleiro de obras de accesos a núcleos e medio rural, Iván Bello, e o concelleiro da parroquia de Valiñas, Roberto Rivas, supervisaron o remate das obras de mellora de acceso ao lugar de Ortigueira, na parroquia de Valiñas.

Estas obras, consistiron na pavimentación e no ancheamento da estrada, así como na construción de gabias para as augas pluviais nas marxes. O orzamento total deste proxecto ascendeu a 56.035,49 euros e foi executado pola empresa Oresa S.L. Para financiar esta actuación, o goberno municipal contou cunha subvención de 47.373 euros da Axencia Galega de Desenvolvemento Rural, a través do programa Plan Marco de mellora de camiños municipais. A cantidade restante financiouse con fondos propios municipais.

O Pleno extraordinario da corporación municipal aproubo por unanimidade unha alegación conxunta contra o proxecto do parque eólico do Monte Castrove. Pois se ben ningún dos aeroxeradores iría en terreos de Barro, a liña eléctrica de evacuación do polígono eólico baixaría pola ladeira de Curro, en dirección á subestación do polígono de Outeda.

Esta liña viría aérea ata chegar ao lugar de Bretoña, atravesando soterrada polo medio do lugar, e despois volvería ir aérea polo val agrícola de Curro e boreando o lugar de Outeda.

A corporación estivo de acordo en que de levarse isto a cabo, isto afectaría moi lesivamente á veciñanza da parroquia de Curro, tanto no presente como no futuro, polo que se aprobou unha alegación ao proxecto mostrando o rexeitamento a este proxecto.

Foto de arquivo:

O alcalde, Fernández Abraldes, acompañado da concelleira de Servizos Sociais, Amelia Cancela, recibíu no Concello aos dous nenos saharauis que pasan o verán con unha familia de acollida de Barro, dentro do proxecto Vacacións en Paz.

Os representantes municicpais agradecéronlle á Sociedade Galega co Pobo Saharaui (Sogaps) facer posible que moitos nenos e nenas poidan pasar o verán en Galiza, ao mesmo tempo que lle agradeceron a Nuria e Yago, veciñ@s de Barro, ter acollido a dous deles en Barro.

O Goberno municipal, con motivo do Día do Orgullo LGTBI, instalou un banco coas cores da bandeira deste movemento, co fin de mostrar o seu apoio e reivindicar a loita deste colectivo.