Aberto o prazo para solicitar praza no Espazo lecer-concilia 2026

O Concello de Barro pon en marcha unha nova edición do Espazo Concilia para os meses de xullo e agosto, co obxectivo de axudar ás familias do municipio a conciliar a vida laboral e familiar durante as vacacións escolares de verán.

📝 Inscricións:

A partir de hoxe xa podes realizar a presentación de solicitudes de praza nas oficinas municipais. O prazo remata o 23 de xuño.

Descarga aquí os modelos de Solicitude e de autoliquidación da taxa:

Solicitude ESPAZOS LECER CONCILIADescarga
AUTOLIQUIDACIÓN Espazos LECER 2026Descarga

Esta iniciativa municipal conta cunha achega da Deputación de POntevedra de 5.400,83 euros para o “PROXECTO ESPAZOS DE LECER CONCILIA 2026” a través da convocatoria de Subvencións dirixidas aos concellos de menos de 20.000 habitantes da provincia de Pontevedra para o fomento da igualdade de oportunidades e a prevención da violencia de xénero para o ano 2026.

A empresa Comercial de Vehículos Industriais TAR S.L. aséntase no polígono de Outeda

O Concello de Barro concedeu a licenza de construción á empresa Comercial de Vehículos Industriais TAR S.L. para a posta en marcha das súas novas instalacións no parque empresarial de Outeda. A firma elixiu este emprazamento estratéxico para expandir a súa actividade.

O proxecto situarase especificamente sobre as parcelas E-5 e E-6 do sector E do polígono. A nova nave contará cunha superficie construída de 1.672 metros cadrados, onde se instalará un taller especializado en servizos mecánicos e unha área destinada á exposición e venda de vehículos comerciais e industriais da marca MAN. O orzamento de execución material para as obras ascende a un total de 550.000 euros.

Con esta resolución, o polígono de Outeda continúa sumando novas empresas e consolidando a súa actividade económica

Trofeo de fútbol da festa do Viño de Barro

🏆 Trofeo de fútbol da Festa do Viño 2026

O Concello de Barro e o Barro C.F. unen forzas un ano máis para celebrar o deporte base dentro da programación da nosa Festa do Viño. Unha axenda pensada para o desfrute de toda a veciñanza!

Serán catro días de moito deporte onde os nosos equipos da base se medirán a grandes rivais da contorna. ⚽️🍇

📅 Calendario de partidos:

𝗠𝗲́𝗿𝗰𝗼𝗿𝗲𝘀 𝟭𝟳 𝘅𝘂𝗻̃𝗼

👶 Biberón | 18:45 h

💪 Xuvenil | 20:00 h

𝗫𝗼𝘃𝗲𝘀 𝟭𝟴 𝘅𝘂𝗻̃𝗼

⚡️ Cadete | 20:00 h

𝗩𝗲𝗻𝗿𝗲𝘀 𝟭𝟵 𝘅𝘂𝗻̃𝗼

🏃‍♂️ Infantil | 18:00 h

𝗦𝗮́𝗯𝗮𝗱𝗼 𝟮𝟬 𝘅𝘂𝗻̃𝗼

🌟 Prebenxamín | 17:00 h

🚀 Benxamín | 18:00 h

🔥 Alevín | 19:00 h

Xuntanza de motos e coches clásicos na XLVII Festa do Viño de Barro

O domingo da Festa do Viño a partir das 11:00 h, Barro converterase no punto de encontro obrigado para amantes do motor e do coleccionismo.

No marco da programación da XLVII Festa do Viño, organizamos unha Xuntanza de Coches e Motos Clásicas aberta á participación tanto de automóbiles históricos coma de motocicletas.

O público asistente terá a oportunidade de admirar de preto verdadeiras xoias sobre rodas, deseños icónicos doutras épocas e vehículos coidados con esmero que forman parte da nosa historia automobilística. Unha proposta máis dunha programación da festa do Viño pensada para todos os públicos.

ℹ️ Información importante para participantes:

🟢 A inscrición para participar no evento é totalmente gratuíta. O rexistro é de carácter obrigatorio co obxectivo de asegurar unha correcta loxística e distribución dos vehículos no espazo habilitado.

✍🏻 Para reservar a túa praza, é preciso contactar coa organización no teléfono 680 502 154 ou cubrir o formulario de inscrición: https://docs.google.com/forms/d/e/1FAIpQLSc-oN1ITq0W33wMudX-b1ARx3lMOZKm0CxjGKtGz61kvbh5RQ/viewform

Fátima Pego e a Banda Xuvenil de Barro porán o peche á XLVII Festa do Viño de Barro

O vindeiro domingo 21 de xuño, a Festa do Viño de Barro botará o peche á programación desta edición cun concerto moi especial no Pazo da Crega.

Ás 20:00 horas terá lugar o espectáculo “Grandes Mulleres, Grandes Cancións”, unha proposta musical que xuntará sobre o escenario á Banda de Música Xuvenil de Barro e á cantante Fátima Pego.

O acto será presentado por Xurxo Souto e contará, ademais, coa colaboración especial dos gaiteiros Felipe Rea e Borja Becerra, xunto con algunha outra sorpresa preparada para por fin aos días de festa.

A entrada é de balde ata completar o aforo do recinto.

Datos do evento:

  • 🗓️ Data: Domingo, 21 de xuño de 2026
  • 🕗 Hora: 20:00 h
  • 📍 Lugar: Pazo da Crega (Barro)

O Concello de Barro elixe ao investigador e artesán Celso García Alonso como pregoeiro da XLVII Festa do Viño

O Concello de Barro xa ten voz para a súa cita máis emblemática. Celso García Alonso será o encargado de dar o pregón da XLVII edición da Festa do Viño de Barro, unha decisión que foi anunciada hoxe oficialmente polo alcalde, Xosé Manuel Fernández Abraldes, e o concelleiro responsable do evento, Iván Bello Ferreiro.

Celso García Alonso, natural de Portas pero veciño de Barro dende hai décadas, é unha figura profundamente vinculada ao tecido social e cultural da comarca. Tras unha vida profesional dedicada á rede viaria da Deputación de Pontevedra —un labor que iniciou con 19 anos e que lle permitiu coñecer de primeira man a xeografía provincial—, García Alonso destacou sobre todo polo seu incesante labor de recuperación do patrimonio galego.

O futuro pregoeiro é autor de obras de referencia como As campás galegas. Fundicións, un exhaustivo traballo de investigación etnográfica, e Froito dunha ilusión, libro no que narra a historia da Banda Xuvenil de Barro. Ademais da súa faceta como escritor, García Alonso mantén vivo o oficio de oleiro, elaborando pezas con técnicas tradicionais e ferramentas de fabricación propia.

Durante o acto de presentación, o alcalde Abraldes quixo poñer en valor a calidade humana do pregoeiro: “Celso foi escollido porque é unha persoa moi querida entre a veciñanza e representa como ninguén o cariño pola nosa cultura e a nosa historia”. Segundo o rexedor, a súa elección é un recoñecemento a unha vida dedicada a “preservar o que nos define como pobo”.

Coa elección de Celso García Alonso, o Concello de Barro reafirma a súa aposta decidida por dar o protagonismo da festa á propia veciñanza do municipio, unha liña de traballo consolidada dende hai anos para que sexa a xente da casa a que sinta e represente a súa festa grande. Deste xeito, a XLVII edición volverá ser unha exaltación da identidade e da cultura local a través dunha das voces máis queridas do seu patrimonio popular.

A lectura do pregón será, como é habitual, no acto de inauguración do Certame Rías Baixas, o venres 19 de xuño a partir das 20 horas.

Inauguración do ciclo de obradoiros para maiores de 50 anos

👩🏼‍🎓 Demos o pistoletazo de saída! Onte inauguramos con gran éxito o ciclo de formación para maiores de 50 anos co primeiro obradoiro: “Hábitos para unha mente saudable”.

Esta iniciativa, impartida por persoal da Universidade de Vigo, nace do convenio entre a UVigo e o Concello de Barro para achegar o coñecemento á nosa veciñanza.

Aínda estás a tempo de sumarte ás vindeiras citas

▪️ Prevención de caídas nas persoas maiores

📅 12 de maio | 🕟 16:30 h (3h)

▪️ Aprende a salvar unha vida

📅 26 de maio | 🕟 16:30 h (3h)

▪️ Timos

📅 3 de xuño | 🕟 16:30 h (2,5h)

📝 Podes inscrbirte nos obradoiros que máis che interesen. Na Biblioteca Municipal, en horario habitual de apertura.