Proyecto acogido de las ayudas para inversiones a proyectos singulares locales de energía limpia en municipios de reto demográfico (PROGRAMA DUS 5000), en el marco del Plan de Recuperación, Transformación y Resiliencia.

#PlanDeRecuperación

Beneficiario: AYUNTAMIENTO DE BARRO

Inversión total: 262.583,36 €

Importe la ayuda: 233.195,81 €

Medida: RENOVACIÓN DE INSTALACIONES DE ALUMBRADO EXTERIOR DEL AYUNTAMIENTO DE BARRO.

Componente 2, inversión 4( C2.I4)

Para acceder ao cartel prema aquí.

Hoxe, 15 de Novembro, conmemórase o Día Mundial sen alcol. Esta data foi instaurada por varias organización españolas de promoción da saúde co obxectivo de concienciar á poboación sobre os graves efectos que conleva o consumo abusivo de alcol na idade adulta e calquera consumo en menores de idade. Como medida de apoio das campaña de sensibilización polo Día Mundial sen alcol 2023, dende o Proxecto de prevención das condutas aditivas no eido local de Cuntis, Barro, Campo Lameiro, Moraña e Portas, promóvese, un ano máis, a campaña ALCOL “MENOS É MÁIS”; a través da cal, preténdese sensibilizar á poboación xeral, e particularmente á xuventude, sobre as serias repercusións do alcol na saúde física, mental e social das persoas.

#ALCOLMENOSÉMÁIS

Para acceder áo CARTEL prema aquí.

Para acceder ao MANIFESTO prema aquí.

O próximo luns 20 de novembro realizarase, no CEIP Amor Ruibal de Barro,  un Obradoiro de Prevención do abuso das Novas Tecnoloxías dende a familia. Co que informar e dar ferramentas as familias de Barro para promover un uso seguro, responsable e saudable das TRICS (Tecnoloxías da información, comunicación e relación) entre as súas crianzas.

A sesión será impartida por Belén Montesa Lou e Juan Carlos Permuy psicólogos xerais sanitarios especializados en Prevención das condutas adictivas e Terapia Familiar Sistémica.

Co fin de facilitar a conciliación, a rapazada escolarizada no centro poderá permanecer nas instalacións do colexio co acompañamento de persoal do servizo de conciliación, mentres as súas familias participan na actividade.

A vosa presenza é moi importante.

Onde? Aula de audiovisuais do CEIP Amor Ruibal de Barro

Cando? 20 de novembro ás 18:00h

Organiza: CEIP Amor Ruibal de Barro en colaboración co Proxecto de prevención das condutas adictivas no eido local do Concello de Barro.

Para descargar o cartel da actividade pinche aqui.

Esta entidade foi beneficiaria da convocatoria de subvencións ás entidades locais da Comunidade Autónoma de Galicia para a prestación de servizos no marco da Rede galega de atención temperá nos anos 2022 a 2024, cofinanciada pola Unión Europea.

O obxectivo principal destas axudas é promover a autonomía persoal de menores de 0 a 6 anos con trastornos no seu desenvolvemento.
O resultado que se pretende acadar é facilitar a inclusión social e a igualdade de oportunidades de todos os nenos e nenas.

Destinatarios/as: Persoas maiores de 65 anos..

Datas de celebración: Luns do 2 de outubro ao 27 de novembro de 2023.

Horario: De 17:00 a 18:30 horas.

Lugar de Celebración: Salón de Plenos do Concello de Barro.

Inscricións: Departamento de Servizos Sociais do Concello de Barro.

Para ver o carpel completo prema aquí

ANUNCIO

ZONA DE CONCENTRACIÓN PARCELARIA DE PERDECANAI – BARRO II

(BARRO – PONTEVEDRA )

DATA LÍMITE PARA CAMBIOS DE TITULARIDADE

Comúnicase a todos os interesados na zona de concentración parcelaria de Perdecanai – Barro II que, por resolución da directora xeral de Desenvolvemento Rural do 18 de xullo de 2023, se estableceu como data límite para solicitar cambios de titularidade de parcelas de bases o 30 de setembro de 2023, inclusive.

Transcorrida a dita data e ata o momento de aprobación do acordo, unicamente se admitirán as solicitudes de cambio de titularidade de parcelas de achega sempre e cando o cambio afecte á totalidade das parcelas achegadas por unha persoa titular e a transmisión se faga íntegramente a outra, coa excepción dos cambios derivados de sentenzas xudiciais firmes.

En todo caso, a persoa titular adquirinte quedará subrogada na posición da anterior titular, coas limitacións, deberes e obrigas que resulten do proceso.

Pode consultar o texto íntegro da resolución na web  da Consellería do Medio Rural: mediorural.xunta.gal/es/recursos/anuncios (Para acceder ao contido da resolución prema aquí: https://barro.es/wp-content/uploads/2023/08/RESOLUCION.pdf

Para descargar anuncio prema aquí https://barro.es/wp-content/uploads/2023/08/Anuncio_DataCT_PerdecanaiBarroII_asdo.pdf

EXPTE.: 284/2023

Procedemento: Selección de persoal.

ASUNTO: BASES SELECCIÓN POSTO  GRAO EN TRABALLO SOCIAL – PROXECTO “PRIMEIRA EXPERIENCIA” NOS CONCELLOS DA PROVINCIA DE PONTEVEDRA 2023/2024 NO MARCO DO PROGRAMA PLAN DE FOMENTO DA EMPREGABILIDADE.

CRITERIOS DE SELECCIÓN DAS PERSOAS BENEFICIARIAS DA SUBVENCIÓN PARA UN POSTO DE GRAO EN TRABALLO SOCIAL PROXECTO “PRIMEIRA EXPERIENCIA” NOS CONCELLOS DA PROVINCIA DE PONTEVEDRA 2023/2024 NO MARCO DO PROGRAMA PLAN DE FOMENTO DA EMPREGABILIDADE.

ANTECEDENTES

– BASES REGULADORAS E CONVOCATORIA, EN RÉXIME DE CONCORRENCIA NON COMPETITIVA, PARA O PROXECTO “PRIMEIRA EXPERIENCIA ROFESIONAL” NOS CONCELLOS DA PROVINCIA DE PONTEVEDRA 2023/2024 NO MARCO DO PROGRAMA PLAN DE FOMENTO DA EMPREGABILIDADE, publicadas no Boletín Oficial da Provincia núm. 68 de data 10 de abril de 2023.

O proxecto “Primeira experiencia profesional” nos concellos da provincia de Pontevedra desenvólvese en dúas fases:

a)Primeira fase, de selección das entidades colaboradoras e de determinación do nivel de estudos para a obtención da práctica profesional adecuada a dito nivel baixo a modalidade de contrato formativo.

b)Segunda fase, de selección das persoas beneficiarias dos contratos formativos por parte das entidades colaboradoras tal e como se dispoña nas bases reguladoras e convocatoria.

BASES:

PRIMEIRA.—OBXECTO.

Estas bases teñen por obxecto regular o procedemento de selección das persoas beneficiarias das subvencións destinadas á contratación laboral  de tituladas e titulados con titulo de técnico ciclo superior sen experiencia laboral previa co fin de poder adquirir a práctica profesional adecuada ao nivel de estudos cursados e facilitar a súa inserción no mercado laboral.

1.A) Relación de postos a seleccionar:

1 posto de  GRAO EN TRABALLO SOCIAL

1.B) Titulación mínima esixida:

GRAO EN TRABALLO SOCIAL

SEGUNDA.— SELECCIÓN DAS PERSOAS BENEFICIARIAS DOS CONTRATOS EN PRACTICAS.

1. Na selección das persoas beneficiarias dos contratos aplicaranse criterios de valoración obxectivos, segundo o expediente académico, os estudos cursados, a formación relacionada co posto de traballo a desempeñar, o nivel de coñecementos etc.

2. Os concellos, como entidades colaboradoras, serán os encargados de levar a cabo a selección mediante a presentación da correspondente oferta de emprego na oficina do Servizo Público de Emprego do domicilio da entidade beneficiaria. Presentarase por titulacións tendo en conta os seguintes principios xerais:

c) A oferta non poderá conter elementos que poidan servir de base para calquera tipo de discriminación que non responda aos criterios establecidos nestas bases.

d) En ningún caso poderá incluírse nin admitirse como criterio de selección a experiencia laboral na titulación requirida.

3. A selección efectuarase entre demandantes de emprego desempregados ou co cartón de mellora de emprego, inscritos no Servizo Público de Emprego e que cumpran os requisitos esixidos para a formalización dun contrato en prácticas. O ámbito de busca de emprego de cada concello non poderá superar o nivel provincial.

4. Presentada a oferta de emprego, o Servizo Público de Emprego levará a cabo unha preselección das persoas candidatas segundo as titulacións dos postos de traballo a desempeñar e a razón dun máximo de 5 por posto, que remitirá ao Concello para proceder á selección das persoas beneficiarias destas contratacións en prácticas.

5. Se ao tramitar a oferta non se atopan persoas candidatas idóneas a entidade beneficiaria poderá acudir a outros procedementos de selección, de conformidade coa normativa vixente na materia, sempre que se garantan a idoneidade e o cumprimento dos requisitos esixidos para esta contratación, sen que sexa necesario neste caso a inscrición das persoas que se van contratar como demandantes de emprego no Servizo Público de Emprego de Galicia.

6. Para levar a cabo a selección o concello nomeará un tribunal cualificador, cuxa composición deberá adecuarse aos principios que regulan a constitución e funcionamento dos órganos de selección.

7. A selección deberá realizarse tendo en conta a data límite establecida na resolución na que se concede a subvención.

TERCEIRA.- REQUISITOS DAS PERSOAS ASPIRANTES:

1. Requisitos específicos Os contratos formativos poderán concertarse con aquelas persoas que reúnan os seguintes requisitos:
2. Que estean en posesión dunha titulación universitaria ou equivalente, de acordo coas leis reguladoras do sistema educativo vixente, que habiliten para o exercicio profesional.
3. Que estean inscritos como demandantes ou en mellora de emprego no Servizo Público de Emprego.
4. Estar empadroados nalgún dos concellos da provincia de Pontevedra con anterioridade á data de publicación da propia convocatoria no BOPPO.
5. Que no momento da contratación non transcorresen máis de tres anos, ou máis de cinco cando o contrato se realice cunha persoa con discapacidade, desde a terminación dos correspondentes estudos.
6. Que non obtivera experiencia profesional ou realizado actividade formativa na mesma actividade dentro da entidade por un tempo superior a tres meses, sen que se computen a estes efectos os períodos de formación ou prácticas que formen parte do currículo esixido para a obtención da titulación que habilita esta contratación.
7. Que non estean contratadas ou contratados en prácticas no momento da selección nalgún dos programas que contemplen contratos en prácticas ou formativos da Deputación de Pontevedra.
8. Non haber estado contratada na mesma ou distinta entidade en virtude da mesma titulación. Tampouco na mesma entidade para o mesmo ou distinto posto aínda que se trate de titulacións distintas.

Tódolos requisitos esixidos deberán posuílos as persoas aspirantes o día de remate do prazo para a presentación de solicitudes e conservalos, polo menos, ata a data da súa contratación.

2.  Requisitos xerais

• Ser español/a ou nacional dalgún dos demais estados membros da Unión Europea ou nacional dalgún Estado, ó que, en virtude de tratados internacionais celebrados pola Unión Europea e ratificados por España, lles sexa de aplicación a libre circulación de traballadores.

Tamén poderán participar calquera que sexa a súa nacionalidade, o cónxuxe dos españois e dos nacionais dalgún dos demais estados membros da Unión Europea, e cando así o prevexa o correspondente tratado, o dos nacionais algún estado ó que en virtude dos tratados internacionais celebrados pola Unión Europea e ratificados por España lle sexa de aplicación a libre circulación de traballadores, sempre que non estean separados de dereito. Así mesmo, coas mesmas condicións, poderán participar os seus descendentes e os do seu cónxuxe, menores de vinte e un anos ou maiores de dita idade que vivan ás súas expensas.

Tamén, quen non sendo español nin nacional dun estado membro da Unión Europea, se encontre en España en situación de legalidade, sendo titular dun documento que lle habilite para residir e poder acceder sen limitacións ó mercado laboral.

• Ter cumpridos dezaseis anos de idade e non ter acadado a idade de xubilación forzosa.
• Posuír a capacidade funcional necesaria para o desempeño das tarefas que se van realizar. Non padecer enfermidade, nin estar afectado/a por limitación física ou psíquica que sexa incompatible co desenvolvemento das funcións propias das prazas obxecto desta convocatoria.
• Non estar separado/a, mediante expediente disciplinario do servizo ó Estado, ás Comunidades Autónomas ou ás Entidades Locais, nin estar inhabilitado para o exercicio das funcións públicas. No caso de ser nacional doutro Estado, non estar inhabilitado ou en situación equivalente, nin estar sometido a sanción disciplinaria ou equivalente que impida, no seu Estado, nos mesmos termos, o acceso ó emprego público.
• Non estar afectado/a por ningunha causa de incapacidade nin por ningún dos motivos de incompatibilidade recollidos na lexislación vixente sobre incompatibilidades do persoal ó servizo das administracións públicas.

CUARTA.— CRITERIOS DE SELECCIÓN DAS PERSOAS BENEFICIARIAS DAS CONTRATACIÓNS EN PRACTICAS.

O proceso de selección consistirá na valoración dos méritos acreditados polas persoas preseleccionadas polo Servizo Público de Emprego, e levarase a cabo conforme aos seguintes criterios:

a) Expediente académico: ata un máximo de 4,00 puntos, segundo a nota media calculada para as titulacións universitarias polo R. d. 1125/2003, de 5 de setembro, e para os ciclos de formación profesional polo R. d. 1147/2011, de 29 de xullo. No caso de que a media dalgunha das titulacións convocadas non estea calculada polas normas referidas ou esta non se especifique valorarase con 0,00 puntos.

b) Por ter un doutoramento relacionado co contido do posto: 2,00 puntos.

c) Por cada título oficial de máster universitario ou título propio da universidade de máster relacionado co contido do posto: 0,50 puntos cada un, ata un máximo de 1 punto.

d) Por posuír unha titulación académica oficial distinta e relacionada co posto de traballo que se vai desempeñar, de nivel igual ou superior á esixida para a formalización do contrato 0,50 puntos por título ata un máximo de 1 punto (neste apartado non se terán en conta as titulacións de nivel inferior que sexan necesarias para a obtención doutras de nivel superior nin as de máster ou doutoramento)

e) Por asistir a cursos de especialización, formación e perfeccionamento organizados por centros oficiais dependentes da Administración do Estado, da comunidade autónoma ou da Administración local, universidades, colexios oficiais ou escolas da Administración pública directamente relacionados co posto que se vai desempeñar (incluídos os organizados por sindicatos no marco do Acordo nacional de formación continua), ata un máximo de 2 puntos, que se computarán do seguinte xeito:

a) De máis de 150 horas duración: 0,30 puntos por curso.

b) De entre 100 e 150 horas de duración: 0,25 puntos por curso.

c) De entre 60 e 99 horas de duración: 0,20 puntos por curso.

d) De entre 30 e 59 horas de duración: 0,15 puntos por curso.

e) De entre 10 e 29 horas de duración: 0,10 puntos por curso.

f) Por acreditar o nivel de coñecemento da lingua galega co Celga 3 nos postos de ciclo superior ou medio ou 4 nos de licenciatura, grao ou diplomatura: 0,50 puntos

Non se terán en conta os certificados ou diplomas nos que non se especifique a duración do curso en número de horas ou créditos.

Tampouco se computarán as xornadas, congresos, seminarios ou cursos de duración inferior a dez horas.

O tribunal cualificador poderá requirirlles ás persoas aspirantes que acrediten a verificación dos extremos recollidos na documentación presentada así como cantas precisións estimen oportunas.

Nesta fase só se terán en conta os méritos que se xustifiquen documentalmente no día e hora que sinale o concello.

As puntuacións outorgadas publicaranse na sede electrónica  do concello ou no taboleiro de anuncios.

No caso de empate entre as puntuacións das persoas aspirantes a orde de prelación determinarase dándolle preferencia á muller naqueles casos en que se produza una infrarrepresentación do sexo feminino, nos termos establecidos no artigo 49 do Decreto lexislativo 2/2015, de 12 de febreiro, polo que se aproba o texto refundido das disposicións legais vixentes da Comunidade Autónoma de Galicia en materia de Igualdade. En caso de que o citado precepto non resulte aplicable ou persista o empate tras a súa aplicación, resolverase o empate en función da nota media global do expediente académico e, de persistir este, pola puntuación acadada nos seguintes apartados.

As puntuacións outorgadas publicaranse na sede electrónica ou páxina web do concello xunto coa relación de candidaturas seleccionadas por orde decrecente para cada posto de traballo ofertado, e indicaranse as persoas candidatas seleccionadas e as correspondentes suplentes.

As persoas candidatas poderán formular, ante o tribunal cualificador, as alegacións que estimen oportunas no prazo de dous días hábiles, contados a partir do seguinte ao da súa publicación na sede electrónica ou páxina web.

Examinadas as alegacións presentadas, o tribunal cualificador publicará a relación definitiva de persoas candidatas, por orde de maior a menor puntuación, coa correspondente proposta de contratación baixo a modalidade de contrato formativo, para cada posto de traballo ofertado.

 

QUINTA.— TRIBUNAL DE SELECCIÓN:

O tribunal corresponderalle a cualificación dos candidatos de conformidade cos criterios de valoración establecidos nas bases. Estará constituído por número impar de membros funcionarios de carreira. A totalidade dos membros deberá posuír un nivel de titulación igual ou superior o esixido para o ingreso no corpo ou escala de que se trate.

Os membros dos órganos de selección deberán absterse cando concorran circunstancias previstas no art. 40 da Lei 40/2015 de 1 de outubro de Réxime Xurídico do Sector Público. Os aspirantes poderán recusalos cando concorra algunha de ditas circunstancias.

Composición do tribunal de selección incluída como Anexo 1 das presentes bases.

SEXTA.- DESIGNACIÓN DAS PERSOAS SELECCIONADAS.

O Tribunal, á vista dos resultados obtidos, proporá ó órgano competente a contratación da persoa aspirante que obtivese as maiores puntuacións, sobre a listaxe creada a tal efecto sen que, en ningún caso, poida superar o número de persoas propostas o das prazas convocadas.

Para a realización do chamamento sobre a listaxe de aspirante en base ás puntuacións finais, unha vez que o persoal competente da Área o estime oportuno, a persoa encargada de tal acto emitirá o informe ou dilixencia para dar constancia do mesmo, e incluíndoo no expediente.

En caso de que unha persoa candidata, unha vez realizado o chamamento para ocupar o posto, non acceda a ocupar o mesmo, se procederá ao chamamento da seguinte persoa candidata por rigorosa orde de puntuación, e así sucesivamente, ata ocupar a praza obxecto do mesmo.

O acordo que adopte o órgano competente será publicado no taboleiro de anuncios do Concello, para coñecemento de tódalas persoas aspirantes, que poderán interpoñelos recursos previstos na vixente lexislación.

SÉTIMA.-FORMALIZACIÓN DO CONTRATO.

Xustificada a documentación sinalada no punto anterior, o acordo definitivo de contratación que adopte o/a Alcalde/sa será publicado no taboleiro de anuncios do Concello, para coñecemento de tódalas persoas aspirantes, que poderán interpoñelos recursos previstos na vixente lexislación. O contrato será formalizado con data de inicio 15 de xullo 2023 e de acordo coa normativa laboral de aplicación, tendo en conta as especificacións da normativa vixente.

OITAVA.-INTERPRETACIÓN DAS BASES.

As presentes bases vinculan á Administración Local convocante, ó Tribunal Cualificador e ás persoas aspirantes que participen no proceso. O Tribunal Cualificador queda facultado durante o desenvolvemento do proceso de selección para resolver as dúbidas e incidencias que se expoñan na súa aplicación, podendo adoptar resolucións, criterios e medidas naqueles aspectos non regulados na presente convocatoria.

NOVENA.-NORMA FINAL

A presente convocatoria e cantos actos administrativos se deriven dela poderán ser impugnados polos interesados/as nos casos e na forma establecidos pola Lei 39/2015 de 1 de Outubro de procedemento Administrativo Común das Administracións Públicas. Do mesmo xeito, a Administración Municipal poderá, no seu caso, proceder á revisión das Resolucións dos Tribunais conforme co previsto na mencionada Lei 39/2015 do dia 1 de outubro.

ANEXO I.- COMPOSICIÓN TRIBUNAL DE SELECCIÓN

Presidente: Xesús Rodriguez Castro

Vogal: Isabel Alvarez Rueda

Secretario: Serafin Abal Novoa

            Dilixencia: Para facer constar que as presentes Bases foron aprobadas por Resolución de Alcaldía 2023-0184 de 15 de xuño de 2023.

Para imprimir as bases (prema aquí)

Para ver a Acta da selección que tivo lugar o 4 de xullo de 2023 (Prema aquí).

Faise Saber que aquelas persoas interesadas en realizar as tradicionais fogueiras de San Xoán   (noite de 23 ó 24 de xuño) e San Pedro (noite do 28 ó 29 de xuño), teñen de prazo ata o día 22 de xuño  (San Xoán) e ata o día 27 de xuño (San Pedro), para presentar unha comunicación no Rexistro do Concello ou a través de instancia xenérica en https://barro.sedelectronica.gal/ .

Deberán terse en conta as seguintes normas:

-As fogueiras non poderán iniciarse antes das 0:00 horas da noite de San Xoán ou San Pedro e terán que estar totalmente rematadas ás 4:00 horas.

-A montaxe das fogueiras deberá realizarse en lugares despexados.

– A fogueira non superará unha altura superior a 2 metros e un diámetro de 3 metros (no caso das realizadas en terreos particulares), e unha altura de 3 metros e un diámetro de 4 metros (no caso das realizadas na vía pública).

– So se queimará material combustible sólido, quedando expresamente prohibida a queima de neumáticos, gomaespumas, plásticos, aerosoles de calquera clase, ou calquera outro tipo de residuo inflamable.

-As persoas organizadoras ou responsables das fogueiras, deberán ser maiores de idade, sendo responsables da súa total e correcta extinción, coidando de que ao remate da mesma as cinzas queden totalmente apagadas.

-Con exceso de vento queda prohibido prender fogueiras.

– No suposto de que o índice de risco diario de incendio forestal (IRDI) sexa moi alto ou extremo o día de celebración, quedara totalmente prohibida a realización das fogueiras previamente comunicadas ou autorizadas.

Esta Alcaldía fai un chamamento á veciñanza para que faga un correcto cumprimento das normas.

Para ver o BANDO (pinchar aqui)

Para acceder á solicitude (pinchar aquí)

ACTIVIDADES DE FORMACIÓN PARA O EMPREGO:

(ACIÓNS EN MARÍN, BARRO E A LAMA)

• ATENCIÓN AO CLIENTE E VENTAS. (Pincha aquí)

• PRODUCCIÓN E ALMACÉN. (Pincha aquí) . FORMACIÓN A IMPARTIR NO CONCELLO DE BARRO (CARTEL).
• ATENCIÓN A PERSOAS DEPENDENTES. (Pincha aquí)