Os alcalde dos Concellos de Barro ,Cuntis, Moraña, Portas e Campolameiro mantiveron hoxe unha reunión de traballo no Concello de Cuntis para dar continuidade ao proxecto de prevención das condutas adictivas no eido local, dando servizo de prevención das condutas adictivas á poboación dos Concellos de Cuntis, Barro, Campo Lameiro, Moraña e Portas. Dentro deste Proxecto, cofinanciado polos cinco concellos antes sinalados desenvolveranse varios programas preventivos da Carteira de Servizos en materia de prevención, pertencentes ao ámbito escolar, familiar, xuvenil e comunitario,  Intentando cos mesmos potenciar hábitos e estilos de vida saudable e promover a prevención das condutas adictivas entre a poboación de Cuntis, Barro, Campo Lameiro, Moraña e Portas; especialmente entre  a súa xuventude e as familias con fillas e fillos en etapa escolar.

Servizos prestados pola Unidade de Prevención das condutas adictivas:

• Asesoramento sobre tratamentos de deshabituación de drogas, derivación centros asistenciais.
• Asesoramento sobre tratamentos das adiccións sen substancias (abuso TIC, xogos de azar), derivación centros asistenciais.
• Tratamento para deixar de fumar.
• Asesoramento familiar sobre a prevención das condutas adictivas dende a familia (prevención consumo de drogas, abuso das TIC e uso/adicción a xogos de azar).
• Aplicación programas preventivos da Carteira de Servizos en materia de prevención das condutas adictivas (Consellería de Sanidade):
• Programa de prevención das condutas adictivas dende o ámbito educativo (PPCDE). Ámbito escolar, carácter universal.
• Cine e saúde. Ámbito escolar, carácter universal.
• Non pasa nada, pasa algo? Ámbito escolar, carácter selectivo.
• Máis que un teito. Ámbito familiar, carácter universal.
• En familia todos contan. Ámbito familiar, carácter selectivo.
• Activa. Ámbito xuvenil, carácter universal.
• Programa Comunitario de Información e Sensibilización. Ámbito comunitario, carácter universal.
• Programa combinado para deixar de fumar. Ámbito comunitario, carácter indicado.

O alcalde, Xosé Manuel Fernández Abraldes, e o concelleiro de Obras de accesos a núcleos e Humanizacións, Iván Bello Ferreiro, visitaron xunto co Deputado provincial de Novas tecnoloxías e Contratación, Ricardo Martínez Chantada, os accesos ao parque da natureza de Barosa, onde se vai executar un proxecto elaborado polo concello de Barro e financiado pola Deputación de Pontevedra con cargo ao ao Plan Provincia Extraordinaria e ao Plan +Provincia 2025 da Deputación de Pontevedra.

Este proxecto ten como obxectivo principal mellorar o acceso a Barosa desde a N-550, realizando unha transformación integral de todo a vía de acceso ao parque ao logo dos seus preto de 500 metros, coa implementación de medidas de seguridade viaria, coa mellora dos aparcadoiros, coa creación dunha senda peonil segura para conectar as fervenzas co Camiño de Santiago ou, entre outras actuacións, coa renovación integral do alumeado.

O alcalde, Xosé Manuel Fernández Abraldes, acaba de asinar coa Conselleira de Medio Ambiente e Cambio Climático, Vázquez Mejuto, e co Director Xeral de Augas de Galicia, Fernández Añón, o convenio de construción da nova EDAR central do Carballal.

O proxecto de construción da nova EDAR ten un orzamento de 3.672.000 euros, dos cales o Concello de Barro farase cargo do 20%, que ascende a 734.000 euros, e a Consellería de Medio Ambiente correrá co 80% restante, un total de 2.938.000 euros. O obxectivo de ambas administracións é que o proceso de licitación poida culminarse nos vindeiros meses e que os traballos de execución material poidan comezar no ano 2025 e estar rematados no 2026.

A execución do proxecto da EDAR vai máis alá da construción da estación de depuración, xa que tamén se anularán as vellas depuradoras do Santo Antoniño e de Piñeiro (A Portela) e todo ese caudal será conducido para a nova depuradora. Tamén se dará servizo a outros colectores de redes de saneamento que xa están construídas.

Unha vez rematados estes traballos, comezarase a ampliar a rede aos lugares aos que aínda non chega o servizo e mentres tanto, a nova EDAR tamén estará preparada para permitir nela o baleirado das fosas sépticas das vivendas que non teñan aínda posibilidade de conexión á rede de saneamento.

O concello de Barro vén de aprobar a solicitude de licenza da empresa Mafari, para construír en Barro, no polígono de Outeda, unhas instalacións destinadas á torrefacción de café, ademais de para albergar o seu punto central loxístico.
Mafari construirá as súas instalacións en dúas parcelas, a A22 e a A23, que xuntas suman ao redor de 10.000 metros cadrados. A superficie que ocupará o complexo industrial sobre as parcelas será de 4.300 metros e a superficie total das instalacións será de máis de 6.000 metros. O orzamento total de execución das obras, antes de IVE, ascende a 3.700.000 euros

Rematou a instalación na nova cuberta do pavillón municipal de máis de 130 placas solares, coas que se dará subministro eléctrico ás instalacións municipais de Santo Antoniño. O excedente de produción verterase á rede eléctrica xerando unha compensación económica para o concello e reducindo aínda máis a factura eléctrica.

Esta actuación, da man de outras que vén desenvolvendo o concello nos últimos anos, como o cambio da LED de grande parte da alumeado público ou actuacións de aforro nas depuradoras,  ten como obxectivo camiñar cara a descarbonización e abaratar a factura eléctrica, dado que supón un dos maiores desembolsos nas contas anuais do concello.

O orzamento deste proxecto ascendeu a 72.707,87 euros, dos cales 19.551 foron financiados con cargo a fondos propios municipais e os restantes con cargo a fondos europeos. A empresa que executou os traballos foi Montaxes Eléctricas Noroeste S.L., por ser a mellor oferta presentada.