𝗖𝗼𝗻𝘃𝗲𝗻𝗶𝗼 𝗱𝗲 𝗰𝗼𝗹𝗮𝗯𝗼𝗿𝗮𝗰𝗶𝗼́𝗻

O alcalde, Xosé Manuel Fernández Abraldes, renovou coa Presidenta do Grupo de Danzas Amor Ruibal , Belén Búa, un convenio de colaboración entre ambas entidades para o presente ano. O concello aportará 3.000 euros para axudar ao seu financiamento e poder continuar co seu labor de preservación e divulgación da nosa cultura tradicional ao mesmo tempo que fan un labor formativo de nenas e nenos.

As representantes do Grupo de danzas transladáronlle ao alcalde a intención de organizar un evento con motivo do 40 aniversario da fundación da entidade, a asociación decana de Barro.

O alcalde transmitiu o apoio e colaboración do concello de cara a celebrar esta fermosa efeméride

𝟖𝐌: 𝐃𝐢́𝐚 𝐢𝐧𝐭𝐞𝐫𝐧𝐚𝐜𝐢𝐨𝐧𝐚𝐥 𝐝𝐚 𝐦𝐮𝐥𝐥𝐞𝐫

Alba Pereiras Martínez, Seila Torres Landín e Ana Angueira Vázquez puxéronlle voz hoxe en Barro a moitos dos problemas e dificultades que se encontran as mulleres no seu día a día e nas súas carreiras profesionais e puxeron voz a todo o traballo que aínda queda por diante para conseguir unha sociedade verdadeiramente igualitaria e xusta.

Moitas grazas á veciña e xornalista Chus Gómez Dorrego por conducir este emotivo e reivindicativo acto dunha forma tan maravillosa.

Por unha defensa real da igualdade o #8M e todos os 365 días do ano.

 𝗣𝗹𝗮𝗻 𝗱𝗲 𝗲𝗺𝗽𝗿𝗲𝗴𝗼 𝟮𝟬𝟮𝟯

Para o proceso de selección o concello de Barro solicita os/as distintos/as candidatos/as á Oficina de emprego, que deberán estar anotados/as nas distintas categorías

Alba Pereiras, Seila Torres e Ana Angueira contarannos as súas experiencias vitais e profesionais, así como os problemas e dificultades que se encontran e encontraron como mulleres no seu día a día e nas súas carreiras profesionais.

O acto estará conducido pola xornalista Chus Gómez Dorrego

𝗜𝗩 𝗖𝗲𝗿𝘁𝗮𝗺𝗲 𝗱𝗲 𝗺𝘂𝗿𝗴𝗮𝘀 𝗱𝗲 𝗕𝗮𝗿𝗿𝗼

Este sábado rematará a programación de entroido por todo o alto co IV Certame de murgas. A entrada é libre ata completar o aforo.

Contaremos coa presenza de tres espectaculares murgas:

𝘖𝘴 𝘥𝘰 𝘝𝘢𝘭 𝘥𝘰 𝘓𝘦́𝘳𝘦𝘻 (gañadores do Certame de Murgas de Pontevedra)

𝘌𝘭 𝘦𝘲𝘶𝘪𝘱𝘰 𝘑𝘢 (segundos no Certame de Murgas de Pontevedra)

𝘔𝘶𝘳𝘨𝘢 𝘥𝘰 𝘕𝘢𝘷𝘦𝘪𝘳𝘰

Laura Busto Leis (Barro, 1991) especialista en Uroloxía no hopsital universitario Donostia pasará a formar parte da #GaleríaDeMulleresNaCiencia de Barro.

No día internacional da muller na ciencia queremos recoñecer o traballo de Laura dentro do campo da medicina e que o seu exemplo poida servir para outras mozas do noso concello a acadar os seus soños no mundo da ciencia.

Igual que nas pasadas edicións a artista de Barro, Aroa Outón será a encargada de facer o retrato que pasará engrosar esta lista de mulleres adicadas a diversos campos da ciencia.

Moitos parabéns Laura pola túa traxectoria profesional que é todo un orgullo para nós.

𝗦𝗶𝗻𝗮𝘁𝘂𝗿𝗮 𝗱𝗼 𝗰𝗼𝗻𝘃𝗲𝗻𝗶𝗼 𝗽𝗮𝗿𝗮 𝗮 𝗰𝗼𝗻𝘀𝘁𝗿𝘂𝗰𝗶𝗼́𝗻 𝗱𝗼 𝗻𝗼𝘃𝗼 𝗖𝗲𝗻𝘁𝗿𝗼 𝗱𝗲 𝘀𝗮𝘂́𝗱𝗲 𝗱𝗲 𝗕𝗮𝗿𝗿𝗼

Esta mañá o Alcalde de Barro, Xosé Manuel Fdez. Abraldes, e o Conselleiro de Sanidade, Julio García Comesaña, procederon á sinatura do convenio a través do cal a Xunta executará as obras de construción do novo centro de saúde de Barro. No acto de sinatura tamén participaron o Concelleiro de obras local, Iván Bello Ferreiro, o Delegado territorial da Xunta de Galicia, Luís López Diéguez, e o Xerente da Área Sanitaria de Pontevedra-salnés, José Flórez Arias.

O novo centro de saúde de Barro contará cunha superficie total de 800 m2, fronte aos 320 m2 cos que conta o centro actual, e estará dotado de 4 consultas de adultos, 1 sala polivalente, 1 sala de toma de mostras, área de pediatría con dúas consultas e 1 consulta de matrona.

Os responsables da Xunta de Galicia valoraron a rapidez coa que a administarción local foi capaz de xestionar todos os trámites en tempo récord, o que permitiu que a construción do novo centro de saúde pasara da Fase 2 á Fase 1, adiantando así Barro a moitos outros concellos.

O Conselleiro transladoulle ao Alcalde a súa previsión de que as obras poidan comezar a executarse no período dun ano, prazo necesario para a redacción do proxecto e as distintas tramitacións necesarias.