Chega ao seu fin unha nova edición do Espazo de lecer-concilia 2023 na que se volveron bater récords de participación nunha actividade programada co fin de axudar ás familias de Barro na conciliación laboral e familiar.

Estra tarde a partir das 17 h haberá na pisicina municipal unha festa infantil con DJ e colchonetas de auga para que a rapazada poida despedir o verán como se merece: xogando e pasándoo ben!

O Concello de Barro volverá ter unha gran programación cultural e de ocio pensada para todos os públicos, nas que se inclúen actividades promovidas directamente polo concello como actividades levadas a cabo por colectivos locais que contan coa colaboración municipal.

Contacontos, cine ao aire libre, festival de canto, folklore e concertos de música de cámara, festa con hinchables na piscina para os máis cativos, scape room ou ata unha festa Holi serán algunhas das actividades das que se poderá gozar en Barro a partir deste mesmo sábado e ata o mes de outubro.

O Festival do Grupo de Danzas de Barro, en tributo aos seus 40 anos de actividade e o concerto da Banxa Xuvenil de Barro co grupo Pel e pau son as actividades máis atraíntes dunha programación con contidos para todas as idades onde @s protagonistas serán unha vez máis as entidades culturais de Barro.

A organización da corporación e do goberno municipal para o vindeiro mandato, despois da celebración do Pleno de organización, queda da maneira que segue:

🟩 Voceir@s dos grupos políticos no Pleno:

▪️ BNG: Roberto Rivas Reboredo
▪️ PSOE: José Sanmartín Soto
▪️ Xuntos: José Antonio Landín Eirín
▪️ PP: Eduardo Ruadas García

🟩 Dedicacións e retribucións por asistencias a órganos colexiados:

▪️ Dedicación exclusiva ao alcalde, Xosé Manuel Fernández Abraldes: 34.500 euros brutos anuais
▪️ Media dedicación ao primeiro tenende de alcalde, José Sanmartín Soto: 17.000 euros brutos anuais
▪️ Asistencia a Plenos: 100 euros
▪️ Asistencia a Xuntas de Goberno Local: 50 euros
▪️ Asistencia a Comisións: 30 euros

🟩 O Goberno municipal está intregado por 5 concelleir@s do BNG e por 3 do PSOE. O alcalde delega nos membros do Goberno as seguintes competencias. Todas as non delegadas expresamente son competencia directa da Alcaldía:

🔵 BNG:
▪️ Xosé Manuel Fernández abraldes: Alcalde
▪️ María Rocío Martínez Sartal: Medio ambiente, Promoción económica e Emprego
▪️ Roberto Rivas Reboredo: Cultura e Patrimonio
▪️ María Amelia Cancela Cancela: Servizos sociais e Sanidade
▪️ Iván Bello Ferreiro: Accesos a núcleos, Seguridade viaria, Humanizacións, Medio rural, Normalización lingüística, Deporte e Xuventude

🔴 PSOE:
▪️ José Sanmartín Soto: Obras e Servizos
▪️ Digna Lía Rodríguez Barros: Igualdade, Benestar, Educación e Muller
▪️ Rocío Touriño Reboredo: Festas parroquiais, Participación veciñal, Turismo e Feira.

🟩 Composición da Xunta de Goberno Local:

▪️ Xosé Manuel Fernández Abraldes: Presidente
▪️ José Sanmartín Soto: Primeiro tenente de alcalde
▪️ Iván Bello Ferreiro: Segundo tenente de alclade
▪️ Digna Lía Rodríguez Barros: Terceira tenenete de alcalde

🟩 Comisión especial de contas e Comisión informativa de asuntos ao pleno:

▪️ Presidente: Xosé Manuel Fernández Abraldes
▪️ BNG 3 : Mª Rocío Martínez sartal, Amelia Cancela Cancela e Iván Bello Ferreiro
▪️ PSOE: 2: José Sanmartín Soto e Digna Lía Rodríguez Barros
▪️ Xuntos 1: José Antonio Landín Eirín
▪️ PP: Eduardo Ruadas García

🟩 Periocidade das sesións:

▪️ Pleno: 2 meses
▪️ Comisión informativa de asusntos ao Pleno: 2 meses
▪️ Comisión de contas: 12 meses
▪️ Xunta de Goberno: 1 mes

O Concello de Barro ten habilitado un servizo de recollida de residuos voluminosos porta a porta de forma totalmente gratuíta.

Debes ter presente que abandonar residuos a carón dos colectores de lixo ou en calquera outra localización está prohibido e que a persoa que o faga enfróntaste a posibles sancións por delito medioambiental. Para poder facer uso del só tes que chamar ás oficinas municipais.
Lembra que os cascallos e entullos procedentes de obras deben ser tratados por empresas autorizadas e a súa correcta xestión é responsabilade dos promotores da obra.

Curso gratuíto de introdución ao Kickboxing, un deporte de contacto, para menores de 16 anos.

O curso levarase a cabo no mes de agosto e terá lugar no pavillón municipal de Santo Antoniño. Os horarios variarán en función das idades e das categorías.

Se tes interese podes ampliar máis información no teléfono 683 626 716.

O Concello de Barro está apostando moi forte pola renovación e modernización da súa rede de alumeado público, co obxectivo de conseguir un mellor servizo e de abaratar o enorme gasto que supón a electricidade para as arcas municipais.

Ata o momento a entidade municipal xestionou distintos proxectos que permitiron a implantación de tecnoloxía LED en arredor de 650 luminarias e neste momento vén de adxudicar un novo contrato que permitirá a renovación doutras 513, co que acadará a cifra de 1.156 luminarias este mesmo verán.

Este novo proxecto vaise executar no lugar de Bretoña e en varios lugares das parroquias da Portela, Perdecanai, Valiñas e Barro. O custo do mesmo será de 239.593,31 euros, que se financiarán con fondos europeos Next Generation captados polo concello a través do programa DUS 5000.

O Alcalde, Xosé Manuel Fernández Lores, recibiu no concello a José Manuel Mosquera Cordo, que vén de entrar na xubilación despois de 42 anos de traballo no Xulgado de Paz.

Abraldes aproveitou o encontro para desexarlle saúde e a mellor das sortes nesta nova etapa vital que se lle abre e entregoulle un detalle en recordo dos seus anos de traballo no Xulgado.