“As Cegas de Ouselle” é un espectáculo musical e visual que repasa o mundo das persoas cegas que antigamente tocaban polas feiras. Trátase dunha mirada actual sobre as pezas de tradición galega con especial achegamento ás músicas portuguesas.

Antón Castro pon a voz e a zanfona, aldara Palmeiro o violín e Miguel Lustres o acordeón e a voz.

O incivismo e a deshumanización máxima dalgunha persoa remataron con estes seis cachorros nun colector do lixo no lugar de Valbón.

Polo momento os cans están en bo estado e van ser trasladados á canceira coa máxima urxencia.

Estes feitos xa se puxeron en coñecemento das autoridades competentes. Se alguén pode achegar algunha información que axude a dar coa persoa responsable pode pórse en contacto con SEPRONA (986 540 008) ou co Concello de Barro nas oficinas municipais (986 711 002)

O goberno local do Concello de Barro celebrou este martes a primeira reunión para crear a Mesa Local Contra a Violencia de Xénero. Será un organismo de carácter consultivo que se establecerá por primeira vez no Concello de Barro para coordinar o traballo das áreas implicadas co fin de garantir a atención e seguimento ás víctimas de violencia machista.

A concelleira de Igualdade, Lía Rodríguez, e o primeiro tenente de alcalde, José Sanmartín, recibiron á xefa da unidade contra a violencia de xénero da Subdelegación do Goberno en Pontevedra, Manuela Vilaboy, para consensuar as bases e protocolos da iniciativa. Durante o encontro, no que tamén participou a Asistenta Social municipal, abordáronse temas relevantes relacionados con esta problemática e a situación que atravesa o concello en canto a casos violencia de xénero.

Tamén se trataron os principios do Plan Director e as accións que se desenvolverán entre a comunidade escolar e a veciñanza en xeral. A Mesa Local Contra a Violencia de Xénero estará presidida pola concelleira de Igualdade, Lía Rodríguez, con representación institucional da Xunta de Galicia, a Subdelegación do Goberno, entidades e colectivos sociais, así como todas as forzas políticas de Barro.

O alcalde asinou en Madrid a formalización da compra da parcela na que está a central de Telefónica no Santo Antoniño, unha vez que quedou en desuso.

Unha vez que estea construído o novo centro de saúde, á parcela do actual centro médico engadirásella esta parcela recén adquirida e a parcela na que está o composteiro, para facer un gran solar de 700 m² no que poder construir un equipamento de uso sociosanitario.

O custo da compra desta parcela de Telefónica ascendeu a 17.331 euros.

O Pazo da Crega ultima os últimos detalles para converterse no epicentro do Nadal. Unha equipa de persoas voluntarias leva semanas traballando para pór a punto unhas instalacións polas que pasarán centos de persoas durante este Nadal e que acollerá unha extensa programación na que os máis cativos será os protagonistas.

A apertura das instalacións terá lugar o venres 22, momento a partir do cal o propio Papá Nöel en persoa recibirá as nenas e nenos de Barro, que poderán entregarlle as cartas en man.  O mesmo día da inauguración tamén haberá a actuación de Migallas Teatro.

Unha extensa programación que comezará con Migallas nun Pazo da Crega polo que ao longo do Nadal pasarán diferentes grupos e artistas, con actuacións pensadas para todos os públicos: Os Piñeiriños, Josele e Lucía Comesaña, o Grupo de acordeóns Rías Baixas, Aghrú acompañados de Ana Angueira, Caxoto, o grupo de danzas Amor Ruibal, as pandereteiras de Peñaflor, a coral de Curro e a Coral Polifónica de Barro, As Cegas, Branca e Negra, o mago Teto e a Banda Xuvenil de Barro.

Ademais de Papá Nöel, pola Crega tamén pasará o Apalpador o día 30 decembro e os Reis Magos, o día 5, que iniciarán desde o Pazo a tradicional Cabalgata ata a Nave da Música.