O Goberno municipal elaborou un proxecto para a mellora do acceso ao lugar de Ortigueira, na parroquia de Valiñas.

A actuación consistirá na pavimentación e na ampliación do ancho da estrada, que permitirá un mellor acceso ao lugar, ao mesmo tempo que se mellora a seguridade.

O orzamento total do proxecto ascende a 56.035,49 euros e a actuación será executada pola empresa ORESA Construcción y Servicios Globales S.L., por ser a mellor oferta presentada.

Para o financiamento desta obra cóntase cunha subvención de 47.373 euros da Axencia Galega de Desenvolvemento Rural, a través do programa Plan Marco de mellora de camiños municipais. A cantidade restante finánciase con fondos propios municipais.

A vindeira fin de semana celébrase en Barro a romaría de San Breixo, unha das romarías con máis sona e tradición da contorna.

Como cada ano volvemos ter festa infantil con colchonetas para distintas idades o xoves de San Breixo!

A Festa infantil será no campo da festa de San Breixo, e no caso dunha previsión metereolóxica adversa, trasladarase ao pavillón municipal.

Este luns deron comezo os traballos de execución do proxecto DUS 5000, co que se implantarán máis de 500 novas luminarias LED en distintos lugares do Concello de Barro.

Para este proxecto, no que se leva traballando máis dun ano, captáronse arredor de 260.000 euros de fondos europeos que está xestionando o propio concello e ao que se engadiron arredor de 30.000 euros das arcas municipais.

Con esta actuación, que está executando a empresa Terca S.L.U, pasarase a tecnoloxía LED de última xeración 513 luminarias do alumeado dos lugares Piñeiro (Valiñas), Mane, A Igrexa, Canai, Bretoña, A Estación e o San Amaro.

Onte a Festa Holi puxo fin á actividades de verán de Xoves ao clareo, unha iniciativa pensada para ofrecer actividades de lecer á mocidade no noso concello.

Xa falta menos para a vindeira edición!

Este sábado o Pazo da Crega acollerá o XXVII Festival organizado polo Grupo de Danzas Folclóricas Amor Ruibal no ano do seu XL aniversario.

O Festival contará coa participación de agrupacións veciñas e internacionais para que poidamos gozar dun serán á altura dunha agrupación que cumpre 40 anos coidando e promovendo a cultura tradicional galega. Non o perdades!

Sábado 16 ás 19:00 h

Chega ao seu fin unha nova edición do Espazo de lecer-concilia 2023 na que se volveron bater récords de participación nunha actividade programada co fin de axudar ás familias de Barro na conciliación laboral e familiar.

Estra tarde a partir das 17 h haberá na pisicina municipal unha festa infantil con DJ e colchonetas de auga para que a rapazada poida despedir o verán como se merece: xogando e pasándoo ben!

O Concello de Barro volverá ter unha gran programación cultural e de ocio pensada para todos os públicos, nas que se inclúen actividades promovidas directamente polo concello como actividades levadas a cabo por colectivos locais que contan coa colaboración municipal.

Contacontos, cine ao aire libre, festival de canto, folklore e concertos de música de cámara, festa con hinchables na piscina para os máis cativos, scape room ou ata unha festa Holi serán algunhas das actividades das que se poderá gozar en Barro a partir deste mesmo sábado e ata o mes de outubro.

O Festival do Grupo de Danzas de Barro, en tributo aos seus 40 anos de actividade e o concerto da Banxa Xuvenil de Barro co grupo Pel e pau son as actividades máis atraíntes dunha programación con contidos para todas as idades onde @s protagonistas serán unha vez máis as entidades culturais de Barro.