A Xunta de Goberno do concello de Barro aprobou a licenza solicitada por Telefónica para levar a fibra óptica ao lugar de Búa, na parroquia de Barro. O concello de Barro conta co servizo de fibra óptica en todas as vivendas que xa tiñan servizo por cable, que supoñen arredor do 98% do total das vivendas, mais aquelas que nunca tiveron este servizo de cable aínda non teñen fibra.

O lugar de Búa, que conta con arredor de 25 vivendas, é un deses poucos lugares, xunto coa Maquieira, Aldeíña e Couso, que nunca tivo servizo de cable e que, polo tanto, non conta aínda co servizo de fibra óptica.

Con este proxecto, que terá un custo de arredor de 52.000 euros, Telefónica levará o servizo de fibra óptica ao lugar de Búa, co obxectivo de chegar con este servizo ás 1.300 vivendas de Barro o antes posible.

 𝗖𝗼𝗻𝘃𝗲𝗻𝗶𝗼 𝗱𝗲 𝗰𝗼𝗹𝗮𝗯𝗼𝗿𝗮𝗰𝗶𝗼́𝗻

O alcalde, Xosé Manuel Fernández Abraldes, renovou coa Presidenta da Coral Polifonica de Barro, Sofía Solla Ruibal, o convenio de colaboración entre ambas entidades para o presente ano.

O Concello aporta a cantidade de 2.000 euros para que a entidade poida continuar desenvolvendo o seu gran labor social, cultural e formativo.

𝗣𝗿𝗼𝘅𝗲𝗰𝘁𝗼 𝗱𝗲 𝗺𝗲𝗹𝗹𝗼𝗿𝗮 𝗱𝗮 𝗰𝗼𝗺𝘂𝗻𝗶𝗰𝗮𝗰𝗶𝗼́𝗻 𝗲𝗻𝘁𝗿𝗲 𝗩𝗮𝗹𝗯𝗼́𝗻 𝗲 𝗼 𝗦𝗮𝗻𝘁𝗼 𝗦𝗻𝘁𝗼𝗻𝗶𝗻̃𝗼

A Xunta de Goberno local aprobou un proxecto para mellorar a conexión entre o lugar de Valbón e o núcleo de Santo Antoniño coa construción dunha nova estrada a través do río Areal utilizando unha ponte xa existente.

Esta actuación consistirá na execución dun novo vial e da súa total urbanización, coa creación de dous carrís de circulación, de sendas peonís e dos servizos de pluviais, alumeado e saneamento.

Será unha obra que permitirá tamén conectar a rede de saneamento do lugar de Valbón coa depuradora, ademais de posibilitar a ampliación da rede en todo o lugar.

O proxecto conta cun orzamento total de 174.986,82 euros e será financiado con cargo á Liña 1 do Plan Concellos 2023 da Deputación de Pontevedra.

𝗜 𝗕𝗧𝗧 “𝗖𝗮𝗺𝗶𝗻̃𝗼𝘀 𝗱𝗲 𝗕𝗮𝗿𝗿𝗼”

Atención amantes da bici de montaña: ide reservando a data, porque despois dun tempo traballando neste proxecto xa podemos anunciar que o 17 de decembro terá lugar a primeira proba BTT de Barro, que terá o monte Acibal como principal protagonista.

Esta proba será organizada polo concello de Barro coa colaboración do Club ciclista Ribadumia.

Nas vindeiras semanas iremos ampliando máis información

𝗜 𝗖𝗮𝗿𝗿𝗲𝗶𝗿𝗮 𝗽𝗼𝗽𝘂𝗹𝗮𝗿 𝗱𝗮 𝗙𝗲𝘀𝘁𝗮 𝗱𝗼 𝗩𝗶𝗻̃𝗼 𝗱𝗲 𝗕𝗮𝗿𝗿𝗼

O vindeiro 11 de xuño terá lugar a I Carreira Popular da Festa do viño de Barro, que renderá unha merecida homenaxe ao deportista e pioneiro neste de deporte en Barro Julio César Constenla.

A proba contará cun percorrido de 10 km e tamén con circuitos adaptados a todas categorías.

Consulta o regulamento e inscríbete en www.galitiming.com

𝗫𝗟𝗜𝗩 𝗙𝗲𝘀𝘁𝗮 𝗱𝗼 𝗩𝗶𝗻̃𝗼 𝗱𝗲 𝗕𝗮𝗿𝗿𝗼

Aquí vos deixamos o cartaz da XLIV Festa do Viño de Barro, que se celebrará o 15, 16,17 e 18 de xuño no Pazo da Crega.

Dentro de pouco daremos a coñecer a programación completa, pero xa vos podemos adiantar que haberá: viño da mellor calidade, diversión, festa, entretemento e moitas actividades para todos os públicos.

 𝗖𝗼𝗻𝘃𝗲𝗻𝗶𝗼 𝗱𝗲 𝗰𝗼𝗹𝗮𝗯𝗼𝗿𝗮𝗰𝗶𝗼́𝗻

O alcalde, Xosé Manuel Fernández Abraldes, renovou coa Presidenta do Grupo de Danzas Amor Ruibal , Belén Búa, un convenio de colaboración entre ambas entidades para o presente ano. O concello aportará 3.000 euros para axudar ao seu financiamento e poder continuar co seu labor de preservación e divulgación da nosa cultura tradicional ao mesmo tempo que fan un labor formativo de nenas e nenos.

As representantes do Grupo de danzas transladáronlle ao alcalde a intención de organizar un evento con motivo do 40 aniversario da fundación da entidade, a asociación decana de Barro.

O alcalde transmitiu o apoio e colaboración do concello de cara a celebrar esta fermosa efeméride

𝟖𝐌: 𝐃𝐢́𝐚 𝐢𝐧𝐭𝐞𝐫𝐧𝐚𝐜𝐢𝐨𝐧𝐚𝐥 𝐝𝐚 𝐦𝐮𝐥𝐥𝐞𝐫

Alba Pereiras Martínez, Seila Torres Landín e Ana Angueira Vázquez puxéronlle voz hoxe en Barro a moitos dos problemas e dificultades que se encontran as mulleres no seu día a día e nas súas carreiras profesionais e puxeron voz a todo o traballo que aínda queda por diante para conseguir unha sociedade verdadeiramente igualitaria e xusta.

Moitas grazas á veciña e xornalista Chus Gómez Dorrego por conducir este emotivo e reivindicativo acto dunha forma tan maravillosa.

Por unha defensa real da igualdade o #8M e todos os 365 días do ano.