CONTACONTOS CON CHARO PITA

SÁBADO DÍA 9 de agosto teremos o pracer de acoller á contacontos Charo Pita na nosa biblioteca. Unha actividade pensada para toda a familia, chea de imaxinación, historias e moita maxia! 🕒 Día: 9 de agosto ás 12:00 📍 Lugar: Biblioteca de Barro 🎟️ Prégase inscrición previa (as prazas son limitadas) Non perdas esta oportunidade de vivir unha mañá inesquecible coa mestra das historias! 🌟 👩‍🦳 As calidades máxicas do corpo están presentes en multitude de historias procedentes de todas as partes do mundo. Neste espectáculo narraremos contos onde as personaxes protagonistas serán diferentes e marabillosas: haberá quen posúa a mirada aguda da aguia,pero tamén quen non poida ver, haberanas moi altas ou moi baixas…, pero, sexan como sexan, sempre acabarán atopando o seu lugar no mundo. 🧐Entrada gratuíta. Inscrición na OMIX/Biblioteca, no email omix@barro.es, podes solicitar o formulario para a inscripción. Actividade financiada a través do programa #lercontamoito para a Rede de Bibliotecas Públicas de Galicia (Xunta) e o Concello de Barro.

ACTIVIDADES NA BIBLIOTECA DE BARRO.

Ano Castelao no Concello de Barro.
Este Ano Castelao celebramos a figura dun dos grandes referentes da nosa cultura cunha actividade moi especial, pensada para as crianzas.
–O próximo día 6 de xuño, no salón de actos da Biblioteca de Barro, achegaremos ao alumnado do CEIP Amor Ruibal unha proposta de dinamización á lectura, chea de ilustracións e narracións que nos convidarán a coñecer mellor a vida e obra de Alfonso Daniel Rodríguez Castelao, un autor que, con humor, compromiso e fonda sensibilidade, soubo retratar o espírito do pobo galego.
–A través desta actividade, as nenas e nenos poderán descubrir quen foi Castelao, mergullarse nos seus debuxos e relatos, e entender o valor da palabra, da xustiza e da identidade que el sempre defendeu.
–Un xeito lúdico e participativo de espertar o interese pola lectura e polo noso patrimonio cultural desde ben pequenos!
Esta será a primeiria de tres actividades que se realizarán dentro da biblioteca de Barro, durante os meses de xuño, agosto e setembro.
– Castelao para crianzas.
Data: 06/06/2025.
Hora: 12:00
Entrada gratuíta.
Prazas limitadas
Inscrición na OMIX/Biblioteca, no email omix@barro.es, podes solicitar o formulario para a inscripción.
Actividade financiada a través do programa #lercontamoito para a Rede de Bibliotecas Públicas de Galicia (Xunta) e o Concello de Barro.

A UTÓPICA RODANTE. “De Vilatriste a Vilalegre”

Este venres 6 de setembro ás 20:30, na Nave da Música, poderedes desfrutar dunha divertida peza de títeres a bordo da “Utópica Rodante”, un vehículo que transportará o teatro ata o Concello de Barro.
Trepas é o alcume dun xove habitante de Vilatriste enredado inesperadamente nunha singular aventura: salvar a vila das fauces dun malvado dirixente. Axudado por unha singular superheroína descobren a fórmula para vencer ao seu inimigo pero… funcionará?