Este mércores celebrouse unha reunión de traballo entre o equipo técnico do (PIE) e representantes políticos dos concellos adheridos (Barro, Caldas de Reis, Cuntis, Moraña e Portas), para avanzar en cuestións como o incremento de inserción laboral e a realización de prácticas en empresas da contorna por parte das 100 persoas que forman parte do alumnado. O obxectivo deste encontro foi, precisamente, analizar as entidades e negocios nas que os alumnos e alumnas poidan desenvolver as sesións prácticas.

O programa de emprego está dirixido a diferentes colectivos da sociedade, como mozos e mozas menores de 30 anos, homes e mulleres maiores de 45 e persoas con discapacidade, e co que se forma ao alumnado en distintas materias e se realiza un asesoramento e acompañamento na búsqueda de emprego.

Trátase dun programa cofinanciado pola Xunta de Galicia e polo Servizo de Público de Emprego Estatal.

A Xunta de Goberno Local vén de adxudicar o proxecto para a mellora e acondicionamentodo do Camiño vello do San Amaro á empresa E.C. Casas, por ser a mellor oferta presentada.

Con este proxecto, unha vez que xa están conseguidos todos os permisos sectoriais, levarase a cabo a recollida das augas pluviais e a pavimentación do mesmo. Está previsto que os traballos comecen nos vindeiros días.

O orzamento para esta obra é de 30.257,79 euros, que se financiarán con cargo ao Plan Concellos 2023 da Deputación de Pontevedra.

Hoxe comezan as Asembleas informativas do Goberno municipal nas distintas parroquias, a través das cales se dará conta da xestión municipal e dos obxectivos para este 20024. Nelas a veciñanza tamén pode trasladar as súas propostas

O alcalde, Xosé Manuel Fernández Abraldes, e o Director Xerente da Fundación Xoán XXII, Diego Chapela, subscribiron na mañá de hoxe un acordo de colaboración entre ambas entidades, a través do cal o Concello de Barro contribuirá a que a Fundación poida seguir adiante co seu labor social.

A Fundación Xoán XXIII é unha entidade sen ánimo de lucro que leva máis de 50 anos traballando pola inserción sociolaboral de persoas en situación de vulnerabilidade psicosocial.

Coa sinatura deste contrato a Fundación farase cargo durante todo o ano do mantemento de todas as zonas verdes do parque da natureza das Fervenzas de Barosa coas persoas que traballan e forman na Fundación.

Desde o Concello de Barro séguese apostando, un ano máis, pola promoción da saúde e a prevención das condutas aditivas. É por iso que, dentro do Proxecto de prevención das condutas aditivas de Barro, ao longo deste 2º trimestre escolar acábanse de realizar varios Obradoiros de prevención destinados ao alumnado da E.S.O do IES de Barro; a través dos cales se pretendeu reforzar factores de protección entre a nosa xuventude (autoestima, xestión emocional, habilidades sociais, xestión da presión grupal, mitos e riscos das drogas, e uso saudable e responsable das TIC), que reducirán a probabilidade de que desenvolvan unha futura conduta aditiva.