Como cada ano na véspera do festivo de San Breixo as cativas e cativos teñen unha festa para elas/es!
Campo da festa de San Breixo
(No caso de posibilidade de choiva farase no pavillón municipal de Santo Antoniño)
Festa infantil por San Breixo 2024
Paula Carballeira visita as cativas e cativos de Barro
Este sábado puidemos contar coa presenza da contadora e escritora Paula Carballeira, gañadora do premio nacional de Literatura Dramática, dentro do porgrama “Ler conta moito”.
Toponimízate chega ao Concello de Barro da man da RAG
Este venres 27 de setembro #Toponimízate chega ao Concello de Barro cunha nova charla sobre como usardes a aplicación #GaliciaNomeada para serdes partícipes da conservación e xeorreferenciación dos nomes das leiras, montes, soutos e outros microtopónimos. Todos eles fan de Galicia un lugar excepcionalmente rico nun patrimonio inmaterial que temos a obriga de preservar.
Agardámosvos ás 20:00 horas na Casa do Concello de Barro. A sesión correrá a cargo do coordinador da unidade técnica de toponimia da RAG, Vicente Feijoo.
Actividades do Barro C.F.
VIII Raxofesta e Torneo San Breixo de fútbol.
O Barro C.F. vai celebrar unha nova edición da Raxofesta o día 28 de setembro, no Campo de Fútbol do Outeiro.
Os días 28 e 29 , tamén terá lugar Torneo San Breixo.
Recoñecemento institucional e veciñal ao Doutor José Carlos Gonzalo Sánchez
O concello e a veciñanza de Barro rendéronlle unha sentida homenaxe ao Doutor José Carlos Gonzalo Sánchez, quen exerceu de médico no centro de saúde de Barro durante moitos anos e que deixou unha fonda pegada entre a veciñanza.
Rematan as obras de renovación da cuberta do pavillón
O alcalde, Fernández Abraldes, e o concelleiro de Deportes, Iván Bello Ferreiro, supervisaron o remate das obras de renovación da cuberta do pavillón polideportivo de Santo Antoniño.
Estas obras executáronse durante os meses de verán, por ser a época de menor uso das instalacións, e o obxectivo era que estiveran rematadas a tempo para o inicio do curso escolar.
Ademais da renovación da cuberta, nos vindeiros meses realizaranse outros traballos para rematar coa renovación integral das instalacións. Así, renovarase a pintura interior, substituirase a caldeira de gasoil por unha bomba de calor e implantaranse 80 placas solares na nova cuberta para dar servizo eléctrico ás instalacións municipais localizadas nas inmediacións do Santo Antoniño.
CONTOS CON PAULA CARBALLEIRA
O sábado día 14 de setembro, temos unha cita especial, na Biblioteca de Barro, coa maxia dos contos!
A coñecida contista e escritora Paula Carballeira visitaranos para compartir connosco historias cheas de aventuras, irmás valentes e camiños únicos.
Nos seus contos, como nas mellores aventuras, hai tres irmás: a maior, a do medio e a pequena, e o máis importante de todo… cada unha delas ten un nome propio, porque o nome é clave para que a historia quede na memoria.
Tamén hai camiños que levarán a cada irmá ao seu destino, porque non hai só unha forma de vivir a aventura! 
E perigos… Pero que maior perigo que aquel que fai pequenos aos outros?
E perigos… Pero que maior perigo que aquel que fai pequenos aos outros?Ven e escolle o teu camiño nunha mañá de historias inesquecibles con Paula Carballeira!
Data: 14/09/2024
Hora: 12:00 Lugar: Biblioteca de Barro.
Idade recomendada: a partir de 4 anosVen só ou trae aos teus amigos.
Máis información no 690722812. As prazas son limitadas, achégate á biblioteca a inscribirte!Actividade financiada a través do programa #lercontamoito para a Rede de Bibliotecas Públicas de Galicia (Xunta) e o Concello de Barro.
A UTÓPICA RODANTE. “De Vilatriste a Vilalegre”
Este venres 6 de setembro ás 20:30, na Nave da Música, poderedes desfrutar dunha divertida peza de títeres a bordo da “Utópica Rodante”, un vehículo que transportará o teatro ata o Concello de Barro.
Trepas é o alcume dun xove habitante de Vilatriste enredado inesperadamente nunha singular aventura: salvar a vila das fauces dun malvado dirixente. Axudado por unha singular superheroína descobren a fórmula para vencer ao seu inimigo pero… funcionará?