Despide o ano coas Badaladas miudas o 31 de decembro a partir das 11:15 da mañá con xogos, baile e badaladas ás 12:00. Agardámosvos no Pazo da Crega.
Festa infantil Fin de Ano. Badaladas miudas.
Visita do Apalpador pola mañá e Pandereteiras do grupo Amor Ruibal de Barro pola tarde.
CONTOS E MÚSICA CON CAXOTO.
🎶 Hoxe Aghrú + Ana Angueira. Non o perdades!
Concerto polifónico e actuación do Grupo de acordeóns “Rías Baixas”
26 DEC. NADAL NO PAZO. CONCERTO NA CAPELA
Descobre a maxia da música nun escenario íntimo e especial! 
Comprácenos convidarvos a un marabilloso concerto de música tradicional que terá lugar na máxica Capela de Santo Antón, no Pazo da Crega, un recuncho único cheo de historia e acústica excepcional. 
Data: 26/12/2023
Hora: 20:00 horas
Lugar: Capela de Santo Antón Pazo da CregaLocalización: 42.5267297303715, -8.639023098500132
Este evento tan especial contará cos músicos, Josele e Lucía Comesaña que nos transportarán a través das notas polo Camiño. A atmosfera íntima da capela garante unha experiencia única e emotiva. 
Dado que queremos preservar a intimidade e a calidade acústica do espazo, o aforo é limitado. Asegura a túa entrada achegándote un pouquiño antes para non perder esta experiencia única!
Aparecen seis cachorros nun colector do lixo
O incivismo e a deshumanización máxima dalgunha persoa remataron con estes seis cachorros nun colector do lixo no lugar de Valbón.
Polo momento os cans están en bo estado e van ser trasladados á canceira coa máxima urxencia.
Estes feitos xa se puxeron en coñecemento das autoridades competentes. Se alguén pode achegar algunha información que axude a dar coa persoa responsable pode pórse en contacto con SEPRONA (986 540 008) ou co Concello de Barro nas oficinas municipais (986 711 002)
Inauguración de Nadal no Pazo
Barro crea a mesa local contra a violencia de xénero
O goberno local do Concello de Barro celebrou este martes a primeira reunión para crear a Mesa Local Contra a Violencia de Xénero. Será un organismo de carácter consultivo que se establecerá por primeira vez no Concello de Barro para coordinar o traballo das áreas implicadas co fin de garantir a atención e seguimento ás víctimas de violencia machista.
A concelleira de Igualdade, Lía Rodríguez, e o primeiro tenente de alcalde, José Sanmartín, recibiron á xefa da unidade contra a violencia de xénero da Subdelegación do Goberno en Pontevedra, Manuela Vilaboy, para consensuar as bases e protocolos da iniciativa. Durante o encontro, no que tamén participou a Asistenta Social municipal, abordáronse temas relevantes relacionados con esta problemática e a situación que atravesa o concello en canto a casos violencia de xénero.
Tamén se trataron os principios do Plan Director e as accións que se desenvolverán entre a comunidade escolar e a veciñanza en xeral. A Mesa Local Contra a Violencia de Xénero estará presidida pola concelleira de Igualdade, Lía Rodríguez, con representación institucional da Xunta de Galicia, a Subdelegación do Goberno, entidades e colectivos sociais, así como todas as forzas políticas de Barro.
Abraldes asina a compra dos terreos da antiga central de Telefónica
O alcalde asinou en Madrid a formalización da compra da parcela na que está a central de Telefónica no Santo Antoniño, unha vez que quedou en desuso.
Unha vez que estea construído o novo centro de saúde, á parcela do actual centro médico engadirásella esta parcela recén adquirida e a parcela na que está o composteiro, para facer un gran solar de 700 m² no que poder construir un equipamento de uso sociosanitario.
O custo da compra desta parcela de Telefónica ascendeu a 17.331 euros.
