Promoción económica

Un dos puntos fortes da economía no municipio é o Polígono Industrial de Barro. Dentro del, radica un Viveiro de Empresas, activo desde 2016 e enfocado en impulsar o emprendemento. Ademais, fóra do complexo industrial do polígono existe un conxunto de empresas, comercios e negocios de hostalería que tamén achegan á economía do municipio.

Polígono Industrial de Barro-Meis

O polígono de Barro é un conxunto industrial situado na confluencia entre os concellos de Barro e Meis e moi próximo á AP-9, na súa saída cara á AG-45 dirección Sanxenxo.

Con 1.100.000 m2 distribuídos en tres ámbitos de actuación (SUI-1 Barro, SRA Outeda-Curro, e SUI-2 Meis), o complexo industrial de Barro contribúe a satisfacer a enorme demanda de chan industrial da provincia Pontevedra.

Esta zona ten unha posición estratéxica entre os aeroportos de Santiago de Compostela e Vigo, e máis próximo aos portos de Marín e Vilagarcía de Arousa.

A súa creación contribuíu a atraer investimentos empresariais ao territorio e aumentar os empregos.

Nesta ligazón, detalles sobre o polígono e a listaxe completa de empresas que alí radican.

Viveiro de Empresas

Dentro do Polígono Industrial, existe un espazo especialmente deseñado a favor do emprendemento. Trátase do Viveiro de Empresas.

Desde 2016, a Deputación de Pontevedra puxo ao dispor das empresas de recente creación os viveiros de Barro e Lalín. O apoio consiste nunha acollida temporal nas súas instalacións, cunha serie de servizos garantidos, acompañado de asesoramento para dar os primeiros pasos no mercado.

Más información

Empresas fose do polígono

Para coñecer unha lista de comercios, servizos e hostalería en Barro, poden descargar aquí a Guía de Comercios elaborada por este Concello. Nela, atópanse detallados os nomes de cada empresa, a súa dirección, teléfono, email ou sitio web como principais formas de contacto.

Mercadillo

O mercadillo é outra das opcións de comercio tradicionais na zona. Os vendedores asíntanse cada domingo en San Antoniño coas máis variadas ofertas que complementan as posibilidades de comercio local dispoñibles de forma permanente no municipio.

Polo Nadal, comercio local

Campaña levada a cabo durante o período de Nadal, onde se incentiva o consumo no comercio local a través de sorteos de vales de comprar co fin de premiar as comprar feitas entre os establecementos adheridos.

Mercar en Barro ten un lote de premios

Esta campaña consiste no sorteo de lotes de productos locais e galegos que son cedidos a cada establecemento que participe da campaña e que este sorteará entre os seus consumidores ao remate da campaña.

En abril, premios mil

Mediante un cartón de rasca e gaña, numerosos consumidores participaban neste xogo que contiña números premios para volver consumir nos establecementos nos que foron premiados, por unha banda prémiase o consumo dentro dos establecementos que se apuntaran na campaña, e por outra banda, os establecementos beneficiábanse de que os rascas premiados fosen de novo canxeados no propio establecemento.

Brindemos polo noso​

Esta é unha campaña específica para a promoción das adegas de Barro e dos diferentes viños que elaboran. Esta campaña que se celebra nos días previos á Festa do viño de Barro, ten por finalidade a de promover os noso viños entre a hostalería do noso concello. Entre os consumidores dos viños durante campaña cada establecemento fai ao remate da mesma un sorte dun lote de viños de cada unha das adegas participantes.

Asociación de empresarios AsemBarro

Asembarro é unha asociación sen ánimo de lucro que nace o 22 de marzo do 2021, xestada por un pequeno grupo de comerciantes da zona. Contamos con máis de 30 asociados, con un único fin, darlle visibilidade os nosos negocios para incrementar o consumo local, mediante diversas campañas, cursos e eventos.

T. 653 839 960
T. 606 547 254