CIRCO GALÁICO

Continuamos coas actividades de dinamización lingüística programadas dende fai oito anos polo Concello de Barro, coa colaboración da Deputación Provincial de Pontevedra.

Esta é a terceira actividade de “Dándolle á lingua”.

O Circo Galaico é un espectáculo innovador, que lle da unha volta ao xénero convencional do circo para crear un circo galego: o Circo Galaico. Un espectáculo orixinal, que fuxe da polémica dos circos con animais para converter aos animais salvaxes da fauna galega nos protagonistas. Estes acuden á chamada do mestre de cerimonias para facer alarde das súas proezas: a súa forza, equilibrio, danza, malabares,… ao son da música tradicional

O Circo Galaico está dirixido a un público familiar. O atractivo do circo mesturado cos elementos autóctonos da cultura e a fauna galega, fan desta obra un espectáculo único:
divertido pola comicidade dos números e polo rol do mestre de cerimonias, e ameno pola presenza da música.