ALCOL, CANTO É MOITO? – 15 de novembro de 2025, DÍA MUNDIAL SEN ALCOL.

O 15 de Novembro, o Concello de Barro súmase, un ano máis,  á conmemoración do Día mundial sen alcol coa campaña ALCOL, CANTO É MOITO?, campaña preventiva iniciada o pasado 15N de 2024.  Con ela preténdese favorecer a reflexión da poboación de Barro sobre os niveis de consumo de alcol, e sobre as serias repercusións que dito consumo ten na saúde física, mental e social das persoas.

Por iso, convídase á poboación a realizar o seguinte CUESTIONARIO para valorar o tipo de consumo de alcol que realizan, e os riscos asociados ao mesmo. Animando a aquelas persoas con consumos de alcol de risco ou nocivo a  solicitar asesoramento, orientación ou axuda clínica que lles permita reducir e/ou eliminar o consumo de alcol (clica no seguinte texto).

#ALCOL CANTO É MOITO?

LÍMITE MÁXIMO DE CONSUMO DIARIO
MULLERES2 ube
HOMES3 UBE
condución, embarazo, menores 18 anos0 UBE
1 ube= 10 g de alcol (uNIDADE DE BEBIDA ESTANDAR) Cervexa= 1UBE/ VIÑO= 1UBE/COMBINADOS=2UBE/CHUPITOS=2UBE

Para aceder ao cartaz prema aquí.

OFERTA DE EMPREGO Programa integrado de Emprego Cuntis

OFERTA DE EMPREGO – PROGRAMA INTEGRADO DE EMPREGO 2025/26

O Concello de Cuntis, abre o proceso de selección de dous/dúas técnicos/as medios para traballar a tempo completo como titores/as de emprego dentro do Programa Integrado de Emprego 2025/26 que se levará a cabo conxuntamente polos concellos de Cuntis, Caldas de Reis, Portas, Barro, A Estrada e Moraña.

Duración prevista:
Do 10 de novembro de 2025 ao 14 de outubro de 2026.

Requisitos principais:
-Titulación universitaria (mínimo diplomatura ou equivalente).
Titulacións preferentes
-Psicoloxía
-Pedagoxía
-Psicopedagoxía
-Socioloxía
-Educación social
-Traballo social
-Diplomatura de relacións laborais
-.Economía
-Outra titulación media ou superior… 0,5 puntos

-Non ter sido separado/a do servizo público nin inhabilitado/a.

-Ter máis de 16 anos e non exceder a idade máxima de xubilación.

-Posuír as capacidades necesarias para o posto.

-Acreditar o CELGA 4 ou superar unha proba de galego.

-Nacionalidade española ou a permitida polo artigo 57 do RD Lex. 5/2015.

Sistema de selección:
Concurso de valoración de méritos.

Presentación de solicitudes:
As solicitudes deben presentarse no Rexistro do Concello de Cuntis ou por calquera dos medios previstos no artigo 16 da Lei 39/2015.
Modelo de solicitude dispoñible no Anexo I das bases.

Prazo de presentación:
ABERTO A PARTIR DO 06/11/2025

5 días naturais contados dende o día seguinte á publicación do anuncio na prensa, na sede electrónica municipal 👉 http://concellodecuntis.sedelectronica.gal/info.1

LIÑA 2. PROXECTOS DE SEPARACIÓN E RECICLAXE EN ORIXE DE BIORRESIDUOS MEDIANTE A SÚA COMPOSTAXE DOMÉSTICA OU COMUNITARIA(COMPOSTAXE IN SITU).

Actuacións cofinanciadas polo fondo europeo relativo ao Mecanismo de recuperación e resiliencia da UE no marco do Plan de recuperación, transformación e resiliencia, financiado pola Unión Europea NextGenerationEU.

Orde do 17 de Decembro de 2024 pola que se establecen as bases reguladores para a concesión de axudas a entidades locais de Galicia para o financiamento de actuacións en materia de residuos de competencia municipal para a implantación de recollidas separadas de biorresiduos, aceites de cociña usados e textiles, cofinanciadas polo fondo europeo relativo ao Mecanismo de recuperación e resiliencia da UE no marco do Plan de recuperación, transformación e resiliencia, financiado pola Unión Europea NextGenerationEU e se procede á súa convocatoria en réxime de concorrencia non competitiva por anticipado de gasto para o ano 2025 procedemento MT975T).

Para descargar o cartel prema aquí.