Don Xosé Manuel Fernández Abraldes, Alcalde-Presidente do Concello de Barro, fai saber que:
O novo Real Decreto 637/2021, do 27 de xullo, establece as normas básicas de ordenación das granxas avícolas e obriga ao rexistro das explotacións avícolas de autoconsumo. É por isto que todas as persoas que conten cun galiñeiro na súa vivenda teñen a obriga rexistralo no Servizo de Sanidade Animal da Xunta de Galicia.
Para facilidade da veciñanza de Barro, o concello puxo a disposición nas oficinas municipais un modelo do documento que hai que presentar (MR501A) e que se poderá presentar a través do Rexistro do Concello, sen necesidade de acudir ás dependencias da Xunta de Galicia. Para realizar este trámite é imprescindible achegar o DNI. Esta comunicación tamén se pode realizar a través de medio electrónicos. Para consultas relacionadas con este tema pódese contactar co Servizo de Gandaría de Pontevedra no teléfono 886 206 569.
Se quere acceder ao BANDO prema aqui.
Se quere acceder ao MODELO DE COMUNICACIÓN PREVIA prema aqui.